Anki.L Make up
5
香港新界葵涌葵昌路豪華工業大廈6樓D10室
最新評論
整體滿意度
5
過濾評語:
dannykfku
5
精選評論
服務 / 婚宴日期: 2017.08.10      
化妝師Ting Lee係我中學同學嘅朋友,應該係Freelance,佢有時會同啲公司一齊合作做吓pre-wedding。我搵佢係因為之前見過佢幫我中學同學化妝,我覺得ok。我搵佢之前,我阿哥結婚都有搵佢幫手化我同我家姐嘅妝,個個都讚靚。所以我從來冇考慮過搵其他人。

Big day當日,啲人都讚我個妝好靚!到結婚當日佢都好好,應該做咗超過化妝師做嘅嘢,佢見啲姊妹幫我著衫著到立立亂,都會幫我。同埋事前都會溝通我鍾意咩髮型,要咩頭飾。同埋我鍾意花,就想頭飾全部都係鮮花,佢都幫我做預備好! 閱讀更多
婚禮化妝造型
sanmabel
5
精選評論
服務 / 婚宴日期: 2015.04.04      
我做舊同學姊妹嗰陣見到Anki嘅表現好好,妝容造型唔普通,好有自己style,亦好配合客人需要,於是搭路搵咗Anki Makeup。雖然有睇其他公司,但第一次試妝係Anki,已經覺得佢好nice同埋化得好好,加上我唔揀擇,所以好快就決定咗,試完妝即刻落訂可以免除試妝費。一開始俾左三千蚊訂,其他姊妹、奶奶係後加,大概係bigday前一個月內同佢講要加多幾多個人(最後加咗三千)。

Bigday前Anki有提我㨂好婚紗要比佢睇下,等佢可以諗下造型,所以中間都有whatsapp來往,而且佢好細心,有提我地之前唔好用護髮素,廢事set唔起頭。

嗰日加埋佢自己有三個人,而我計埋伴娘有六個人,所以佢哋大概一個serve兩個,而我媽咪同奶奶就由佢親自做返。佢哋嘅態度都十分nice同埋會聆聽客人想點。

下午我行教堂,佢想我試下一個allback嘅造型,不過佢都會問我先,睇我想唔想試下呢個突破啲嘅髮型。雖然佢認為無論突破定簡約都好靚,但因為我自己鐘意簡約嘅造型,所以佢最尾有幫我set返個簡約而又靚嘅髮型。呢件事睇得出佢係會揀一個啱我嘅頭,而唔會逼我選擇某啲造型。

另外,因為我哋去到酒店先補妝,所以後尾減少左一個人,不過我就覺得人手都好足夠。Anki好快手,冇任何overrun,加上因為我夜晚冇乜轉衫,所以唔洗嘥時間係轉妝上面,令我有多啲時間同返客人傾計,亦令自己同化妝師都唔洗係壓力下rush轉造型,仲可以講下笑食野,好free。

而且佢嘅造型唔會悶,有啲化妝師太有經驗,容易令造型照辦煮碗,迎合潮流,但Anki係會自己創作,盡量創新,每次都有新嘅野,呢樣係我最欣賞嘅。 閱讀更多
婚禮化妝造型
最新優惠
聯絡商戶