花球我搵左Lemongrass，其實上網睇完佢啲相，我已經好鐘意。 當初打俾佢佢就已經prepare好晒啲template whatsapp你，然後就arrange當日有關揀花同埋其他要求，有晒template到時再send條片俾我地。佢係有個questionnaire去了解你鐘意邊啲花邊種花球咁樣。我上網睇佢啲相同佢講我鐘意邊款再話番佢知，再填番個問卷。 拎花就去佢荃灣舗頭拎，對我嚟講都算幾遠，同埋一定要之前嗰日拎。其實佢係可以用GoGo Van送嚟，不過因為佢想教我點拎個花球(我揀左拖地好長嘅花球)，話我親自嚟好啲喎，所以最後我去到舗頭拎。店主態度好好，而且啲花都新鮮，可以捱到一日。雖然個花球啲色同我形容俾佢睇係有啲出入嘅，我係揀peach色，出到嚟可能偏黃，佢都有講過睇吓當日邊啲花靚去襯番色，但係都係靚嘅!

花球我搵咗Lemon Grass，係見朋友結婚用幾靚，於是就上咗去睇，覺得幾靚又唔係幾貴，信譽又幾好，所以就搵佢。 Pre-wedding同big day我都係搵佢，但都係用絲花嘅，一來平啲，二來唔駛點打理。我係造水滴型，真嘅要一千九百幾，但係假嘅只係九百幾，花車嘅花都係七百幾，同埋另外加三百蚊會有一個花冠，係襯番個花球嘅。整出嚟係好靚嘅，佢做之前又會先做個demo，會影相同video send俾我問我o唔ok先，開頭第一個就唔係我想要嘅嘢，後尾我再講清楚我嘅要求佢就再整過，我係想要vintage少少嘅style嘅，佢之後再整嗰個係非常之好。