有睇過幾間花藝公司，例如Hahaha Florist，Petal by Alice，秋子等等。Hahaha太貴，最後揀咗Lemon Grass 因為佢個感覺好與眾不同，我好鍾意佢嘅風格。第一次同溝通Lemon Grass 係用Facebook，佢態度好nice，會即刻幫我check 下有無期，同埋會好主動咁俾唔同既rate card 我，好似我本身揸唔定主意要鮮花定絲花，佢都會俾下意見，例如鮮花會靚啲，但係絲花有咩好處咁，佢哋都會同我一齊商量。 不過Lemon Grass有啲遠，如果唔駛走入元朗，有啲 中間嘅交收地點可以選擇就更加好。攞完花之後Michelle 會即刻同我講新郎已經攞到啲花，又會提我襟花應該點戴，點樣用襟花嘅T字扣佢都講得好清楚，仲send 埋圖同片教我點做。啲花一打開我覺得真係好靚，成品真係同我想像中一模一樣！仲有包碎花俾我梳頭用。 因為我哋結婚個日全日流程太長，我本來擔心鮮花會好快殘，所以最後揀咗絲花。不過之後化妝師分享話Lemon Grass 嘅鮮花有用營養劑種住，可以擺到成日仲保持得好靚，所以都有少少後悔無揀到鮮花。不過其實影相唔係好睇得出嘅，同埋絲花平好多。

我prewedding幫襯咗佢哋用絲花球，bigday就幫襯鮮花球，2200呢個價就包鮮花球同襟花。 我嘅花球有唔同嘅花種，包括乒乓菊、繡花球同garden rose，同埋另外一啲散花。我上網睇過佢哋嘅作品，覺得好靚。本身都諗過搵hahahaflorist，但佢哋價錢比較貴，加上覺得Lemongrass嘅西式花球好清新，所以都喺揀返Lemongrass。 佢可以加錢安排專人送貨，不過我住屯門，去佢哋間店親自拎都冇問題。同埋佢哋喺臨近我bigday嗰排個答覆會好快，但之前可能就會慢少少，可能一日就只會覆到一次。 結婚前一星期，負責人Michelle會主動問我哋有咩preference，例如有咩花好鐘意，或者有咩花喺完全唔想喺個花球上出現，我同佢講返鐘意西式同散啲嘅花，花球方面就希望唔喺波形，同埋有少少墜感，顏色就想要粉色。之後佢又問我拎返backdrop同埋晚裝嘅設計同埋相，廢事花球同佢哋撞色，最尾成品我都好滿意！