Sales manager Emily由我哋最初揀呢個場，到big day完成個follow up都做得好足，無論email定電話聯絡，佢做嘢都好有交帶。 之前我被陽明山莊條迴轉樓梯吸引，其實之前我都冇去過，我唔知呢條樓梯喺陽明山莊嘅banquet場地，之後去site visit就好鐘意呢個地方，於是唔理屋企人嘅反對揀咗呢到。屋企人反對喺因為我哋兩邊嘅屋企都喺住屯門元朗，冇人住港島，所以反對嘅主因喺交通問題，由於要去中環轉一次shuttle上去，佢哋好驚有賓客嫌遠唔嚟。一開頭雖然都諗過揀尖沙咀嘅酒店，但因為睇完個場之後覺得好普通，所以最尾都喺揀返陽明山莊，喺佢哋嘅open day落訂。 有一個美中不足就喺，當日有個酒店staff跟出跟入同幫新娘手，但我唔知佢因為新入行定經驗不足，做嘢就冇乜經驗，成日都要另一個banquet manager提點，但因為當晚時間緊逼同埋自己都好心急，有一個唔喺咁幫得手嘅assistant喺隔離，就會覺得佢做唔到嘢，例如迎賓嗰陣要補返斟茶，個assistant就咁企咗喺到，有時有長輩要坐，都要我哋提個assistant拎凳，唔夠醒目。後期我見到banquet manager鬧佢，所以我事後就冇特別同酒店講返呢個assistant嘅問題。

我哋喺年幾前已經book咗陽明山莊，當時我哋自己walk-in入去。雖然結婚前半年跟開我哋嘅職員走咗，不過其實佢跟得唔好，次次問佢嘢都要等好耐先覆，總之就有好多甩漏。而佢走咗之後有個位叫嘅職員Conny跟我哋，我覺得佢跟得又貼又好，如果有嘢唔可以即時答我，佢都會喺承諾嘅時間內覆返，好有交帶！佢亦好主動幫我哋諗嘢，令我哋做少好多預備工夫，所以對佢印象好好。 我哋有啲嘢特別request，例如我哋upgrade間房去到最大，又request咗房嘅主題。佢哋啲房有好多主題，例如中國特色、打獵等等，本身我想要啲elegant啲嘅，但佢話好full，就俾咗打獵俾我。我梗喺話唔想要，想要返啲優雅啲嘅主題，好彩最尾佢都有聽我哋要求安排到俾我！ 夜晚有個叫Nicole嘅manager做得唔錯，如果賓客有咩要求，佢都會問過我先，座位安排等等亦都會同我哋傾返，好細心亦好貼心。我哋夜晚食唔到嘢，因為實在太忙，佢會幫我pack返嘢食等我哋遲啲食。 另外，其實嗰晚我會表演彈琴，但因為出場前好凍，杯暖水又未到，跟我嘅隨身staff阿坤竟然幫我捽手保暖，所以真喺好appreciate佢咁貼心！我亦特登同Nicole反映返佢嘅表現。 食物方面亦好好，賓客同我講好食同夠熱。我有個同事同我講，話呢餐喺佢食過嘅wedding晚宴當中最好味，而且佢哋啲餸同我試菜嗰陣喺一樣咁好味！ 另外，佢哋嘅service亦好好，每一圍枱都有waiter負責，所以有咩request都可以即刻跟到。嗰晚遲咗開始，我叫Nicole 催吓可唔可以快啲，令賓客可以準時走，最尾亦完成到我要求，成個流程都好smooth又冇遲完！ 器材方面，聽同睇都好清楚，完全冇甩漏。我有另外同佢買酒水，唔算貴，大概百零蚊，又可以免開瓶費。