我哋唔係婚禮當日註冊，係決定事前上律師樓度註冊咗先。之前我哋有問過其他律師樓，不過佢哋得去酒店或者去個場度證婚嘅外出服務，就冇上佢哋律師樓做個種。咁我上網搵下資料，覺得葉謝鄧個價錢都OK，但禮堂就冇咁靚。之後搵到余美蓮，咁我見到有D人嘅blog度寫嘅留言都讚佢個場，我老公又上去睇都話個環境幾好。 好多新人話余律師會好好，喺好多事上都會提點吓，而且超時咗少少都唔會介意。而我哋註冊當日，佢真係lead住曬我哋個流程，成個過程好順利。我哋個日total 14個人上到去，喺開始之前佢會講解一次，又話比我哋聽過程當中邊D時間可以影相，仲教我哋擺埋pose。例如交換完戒指之後動作應該點樣擺，又教爸爸媽媽點樣攞住証書影相，都比幾多時間我哋影相，完咗之後又會搵同事幫我哋大合照。佢又驚証婚人個名會錯，問我哋攞曬身份証，對名對得好清楚。我見有人話葉謝鄧夠膽死張証書落錯咗名，之後又要搞一大輪。 余律師收個價錢好抵，本身我哋14個人咁多其實應該係要加錢，但因為有兩個係小朋友佢哋都冇收多我哋錢。佢個表現好大方，佢嘅談吐語氣都好好，好親切，說話技巧好好，令我覺得成件事好warm。我仲介紹咗一個同事幫襯佢，同事都讚口不絕！

余律師喺我見過最好嘅證婚律師！佢喺我朋友介紹嘅，話佢本身有做開證婚，加上我想揀女律師，感覺會令婚禮和諧啲同溫馨啲，所以就揀咗佢。 簽結婚擬定書嗰陣余律師突然叫我哋等佢十分鐘，因為佢想幫我哋綵排一次證婚！佢同我哋解釋到時佢會講啲咩、程序會喺點等等，又教我哋點樣望鏡頭、套戒指嗰陣要點樣手疊手，女仔隻手要點樣伸出嚟，仲有提醒我哋男方戴戒指嗰陣要望老婆，同埋讀誓詞唔好dup低頭要望下賓客，又要有適當停頓等等，令我哋好開心，因為佢解釋得咁詳細，令我哋即刻冇咁緊張！ 結完婚之後唔記得搵余律師多謝佢，喺呢到想多謝返佢咁細心話我哋知婚姻嘅重要性，因為真喺唔只一紙婚書咁簡單！註冊嗰陣佢嘅聲線、表達方式同內容流露出對新人嘅祝福，唔喺只喺讀誓詞咁簡單，令我哋好深刻！佢嘅一番說話令我哋明白婚姻喺來得不易，我諗在場賓客都一定感受得到佢嘅祝福，所以真喺好感激佢！