間店係我朋友屋企開既，佢有價錢好實惠而真係想推介俾大家。我行過好多大舖，覺得嗰啲款都唔係太靚，只係因為有牌子就貴，反而攞嗰筆錢去買質素更靚嘅戒指仲好！我覺得如果唔係崇尚牌子，而係想要好嘅戒指質素同服務，名家真係可以考慮。 上到去嗰時其實我都唔係好知自己想要咩款式，Philip就攞咗好多唔同款俾我睇。之後就睇返我隻手指嘅長度，推介返大約咩闊度嘅戒指會戴得比較好睇，又有解釋出面平嘅對戒好多時係空心，戴得耐就會凹入去。最後佢俾咗一款中間上下兩排有9粒石嘅款同埋另一款一圈嘅石我睇，我就揀咗一圈石嗰款，因為覺得比較襟睇。之後刻名嗰度我想特別啲，佢就提議我可以喺我同我老公個名之間用一粒碎石隔開，即刻覺得好grand，未聽過有呢啲提議！我自己好鐘意隻結婚戒指，不過我老公嗰隻就係勁簡單嘅款。 之後我推介咗自己另一個朋友上去買，都覺得佢哋嘅意見好專業，幫佢設計到好啱心水嘅結婚對戒。我朋友仲話之後如果有人問佢對結婚戒指喺邊度買時，可以同人講係喺中環嘅太子大廈嗰啲舖頭度買即刻感覺好升lv！