我地係喺網上面搵到Jenny Tong，見到佢D相覺得好靚好鍾意，就直接揀咗佢地。

我地覺得佢係好professional 好有要求！我地影pre-wedding嗰日落好大雨，但係Jenny佢就得自己一個女仔，無助手無crew，佢都可以處理到晒所有嘢，而且啲相影出嚟，我地係非常滿意。佢唔需要靠反光板，完全係靠自己去捕捉D光。而且佢係用菲林相機，所以佢影每一張相都係非常用心去準備，唔會浪費任何一張相。D光同角度都捕捉得好好，我地都好鍾意出嚟個效果。

我係喺facebook見過Jenny啲相，朋友又搵過佢影big day，所以我pre-wedding就搵咗佢，都係介紹之下聯絡佢。Jenny係一個非常好嘅攝影師，冇話朋友介紹就平啲，佢都係好均真咁send咗張rate card俾我參考，兩個package一係影八個鐘一係影三個鐘。佢都好均真亦都唔hard sell。 其實近年都係興影fine art嘅相，自己都好鍾情呢一類嘅相，都好多女攝影師擅長影呢一類，end up就搵咗Jenny。佢都有俾建議我，例如搵裙方面，Jenny其實都對影呢輯相有要求，佢都會想話俾我聽其實我著咩婚紗先適合，甚至佢令我明白我自己其實著咩婚紗先係最靚，令我可以鎖定我係要呢一類裙，變相我之後就可以慳好多時間。 影相嗰日係十月，天氣都好熱。佢有一個化妝師係佢partner，都係會幫我補妝呀換衫等等，都好好。我哋去兩三個location，唔係話太辛苦。而且，佢哋唔會話烈日當空都迫你影，有啲位停下又影下相咁。Jenny係一個超級好嘅photog，佢似一個朋友多過攝影師，佢真係好caring，同埋佢影嘅相真係好靚。佢又會記得我幾時big day，喺嗰日同我講新婚快樂。我覺得佢有好高嘅攝影技巧之餘，仲會記得client幾時結婚，真係唔容易。我結婚改過期，提早左半年，我近乎big day前兩三個月先同佢講我改期，佢都即刻一個月內執到相俾我，就哂我schedule，真係好難得，仲要嗰時係新年前後，其實佢都要放假，但係都執咗相俾我。我第時如果pregnant再影相都會搵佢。咁好嘅質素，我覺得佢真係應該再加價。