Ines Wedding同數碼港艾美酒店有合作關係，所以當時我哋confirm咗場地之後，酒店嗰邊就介紹咗啲場地設計公司俾我，包括Ines Wedding。Confirm佢哋之前我都有睇吓其他嘅，不過都係覺得Ines Wedding佢哋嘅價錢比較適合，出嚟嘅效果睇落都靚，就決定揀佢哋。 我哋張單係Vivian Chung幫手跟，我覺得佢真係好有禮貌又好有耐性。揀字體我哋都問佢攞咗成十幾個Sample，佢都好有耐性等我哋慢慢揀。仲要唔係一次過俾十幾款我哋揀，而係whatsapp嗰度俾一款我哋睇，隔一陣我哋覆返佢話覺得唔係咁啱，然後又再send另一款俾我哋睇咁樣揀法。來來回回都成十幾款之後我哋先揀定，我心諗俾我都嬲，但係佢真係好有耐性！ 我哋最後用嘅設計係簡單清新為主，綠色草叢感覺跟白色字。雖然佢哋portfolio度俾show嘅款唔多，都要我哋自己上網搵reference佢哋再幫我哋做。但我好欣賞佢唔會hard sell我哋，知道我哋想要咩效果之後就用最抵嘅價錢去幫我哋做。唔係係咁說我哋加錢整嘢整靚啲之類，好多都俾方案我哋自己揀，好老實。