我同先生都係去旅行識嘅，就想搵啲熱帶地方影pre-weding。巴里係一個我哋兩個都未去過嘅地方，就想去嗰度。Holman係我中學同學，我先生就想搵熟人影，就搵咗佢，佢亦都未去過。我哋上網有search景點，佢亦都有問過同行收集意見。不過車程真係好長，我哋住喺中心點，每個地方都要個零兩個鐘。我哋出發之前都知道係咁，就分兩日影。 其實我同先生都諗住影啲感覺casual但睇落開心嘅相。我哋去之前都同佢講係想要呢個感覺，但係去到影相嘅時候都好似冇呢種感覺出到嚟，可能佢都有自己原則。因為同行仲有兩個朋友，佢哋都會俾啲意見，反而佢哋幫我哋影嘅snapshot我哋好鍾意。 佢都有俾意見我哋，不過到我哋俾意見佢嘅時候，佢都係行咗自己嗰套。因為我哋分兩日影，影完第一日睇相，個感覺都係一式一樣，差在個景唔同。到第二日影又係咁，我啲朋友都有幫我反映，不過佢就好有自己原則。 之後揀相其實都主要揀返遠景，始終我睇未執嘅相覺得好似好肥，唔靚，不過執完又真係效果差好遠。我建議佢可以嘗試吓唔同style，可能每個人風格唔同，但係轉一轉可能感覺都會好唔同。