呢間鋪頭好特別，可以上課程自己親手整戒指！佢地真係好專業，係用傳統嘅銀做戒指。 其實佢fb入面超多sample，可以睇定自己想整咩款先。而上堂時，佢都會好清楚咁講返咩款比較難整。因為自己整，所以呢度嘅選擇度相對比較大。佢個studio地方都幾大，而佢地嘅時間控制得好好，一開始話做5個鐘就真係做5個鐘，教我地整戒指個女仔好細心同好有耐性。而我地對戒指屬於比較簡單嘅款，所以都唔會話整得好辛苦。另外，我地都有喺戒指刻名，自己嘅名自己刻，真係好特別！