我哋睇咗好多間都揀唔，因為我先生覺得其他鋪頭嘅款式比較普通！我哋見好多明星喺Boucheron買嘢，一直都有留意呢間首飾店，所以就上去睇吓有冇款啱！我哋去到就睇到一款戒指，其中一圈係用陶瓷物料做嘅，覺得好特別！ 佢哋啲首飾係喺法國整，所以造工好精細。服務員嘅態度都好好，買的時候都特別offer咗一個studio shooting嘅服務俾我哋，可以喺佢地總店戴住佢哋既首飾影相一小時。 之後我哋揀啱嘅戒指因為無現成size，所以要訂造，大約三個月後就可以取貨，都唔算話好耐。不過如果佢哋網上可以標明價錢就更好，等客人有啲預算，而其實去門市前我已經email佢哋想問價錢，但佢哋都係叫我去店面正接問。