我哋係透過朋友介紹認識到Reve Bridal。同事都幾專業，細心。去到鋪頭睇衫，同其他地方比環境算係幾大，因為佢哋有兩層，而且環境都幾乾淨🥰。衫款方面，Reve Bridal都幾多，佢哋好似主要係做日系風格。我哋最後租咗 8 件衫，包括太太嘅禮服，我嘅西裝同長輩嘅衫，再加咗四件兄弟衫。我自己揀西裝嘅時候，同事俾我試咗幾件，都好主動積極，又會根據我哋嘅要求推薦啲衫。試衫嘅時候，我哋都有啲要求嘅，因為都想揀到最啱自己嘅衣服，但同事好有耐性，完全唔會覺得煩。我哋啲衫都改過幾次，Reve Bridal都好配合。兄弟衫方面，我哋全部都係訂做，同事會俾啲版我哋睇，再揀返啱自己嘅顏色就可以😙。

我哋每次去試衫都需要預約，上到去計埋我哋，多數都係得兩對新人，所以我哋都有足夠嘅空間🤪。每次去都唔會覺得逼，試嘅時間都足夠😚。Reve Bridal會根據我哋要求，分開pack返男家同女家嘅衫，咁樣就唔會混亂，同事會主動問我哋係分男家，女家咁樣pack定係跟朝頭早，晏晝咁樣🤣。我哋希望Reve Bridal可以開放多啲日子，會更加方便，因為我返工唔係返平時一至五，所以未必咁容易搵到合適時間上去🥲。 

我係呢到total租左3件晚裝，佢地由頭都好貼心，預約時間上到去都好有條理，整齊。Ｄ款都keep得好同新。最特別係我租左之後，佢地做左2條新比我，所以幾好。但Ｄ款就比較少，因為比較多係婚紗同晚裝款。