我係婚展個度見到ClubOne個場覺得佢地兩層既設計好啱心水所以就決定揀係呢度擺酒。我地連個場都未親身睇過已經決定，真係好彩最後都好滿意😂跟我地單個個同事係場地經理，所以跟得好足。個位同事定時會WhatsApp 我地跟進場地既事項，例如我地訂既時候場地既backdrop係碎花pattern,之後轉左另一款backdrop 佢第一時間影相通知我地。因為我地擺酒既日子係平日，所以佢都好好咁俾我地前一兩日放低啲物資例如酒同裝飾係場地個度，咁我地就唔洗當日先好急咁運物資過去。因為場地本身既佈置都唔錯，所以我地決定自己簡單佈置一下就ok,無另外搵decoration 公司幫我地搞。同埋ClubOne送左個wedding planner俾我地，佢係 big day前兩個月左右就會聯絡我地，俾唔同意見我地。佢教我地安排座位既方式，提供唔同資料俾我地。我好滿意wedding planner既服務，因為我地都係第一次接觸結婚既嘢，好多野都唔熟悉唔知洗唔洗做，Wedding planner就可以俾到好多意見我地，我地有咩問題佢都積極咁解答我地😚。當晚既食物質素中規中矩啦，都有賓客同我講啲麵好好食。其實之前睇過有關其他人對ClubOne既評價都係麻麻地，即係佢地既同事唔會主動sell，問一句答一句。但係最後都決定揀佢係因為個場地經理真係好主動，佢會同我地講佢地offer到啲咩俾我地，唔會好似其他同事咁冷漠。我地去左三次婚展，最後都係覺得呢間分店既同事態度特別好😆。

一開始我哋諗住揀club one，睇咗好幾間，覺得太子呢一間負責人介紹好詳細，比起其他更熱心serve我哋。Club One場地唔需要再額外搵deco公司，又可以包成個場地，價錢唔錯。我有聽過有人話club one有啲係冇廚房，只係到會，但太子呢間係有廚房。我book咗呢間之後有去呢度飲過茶，因為有coupon就去試下，嘢食都ok，所以食物方面我都唔擔心。擺酒真係需要一個有經驗嘅人喺度，佢哋咩都幫我安排好曬，有個職員喺我隔離打點一切，提我準備唔同嘅環節、時間管理，知道邊個時間要做啲咩。結婚當日有一個驚險位，係我去外影個陣backdrop公司嗰邊打嚟話台上唔夠位，要劏開個backdrop先夠位擺！後來Club One個職員幫我搞掂成件事，令我唔洗煩！😇