我地其實好遲先去租衫，所以一去到Bridal Queen，我地就已經同佢地講我地幾時結婚。佢地好快咁話俾我地聽邊啲衫已經無哂期唔使睇，邊啲係可以揀嘅，但係如果都揀唔啱就要搵過第二間。我覺得佢地好好，唔會浪費我地時間，又唔會等我地揀啱先再幫我地check件衫仲有無期，我覺得佢地速度好快，而且係良心公司。 一去到，佢都同我傾左一陣，會傾下我想要啲咩，我又會問下佢有咩款可以遮到多啲，之後佢就慢慢跟住我再去揀衫，服侍得好周到同好細心。佢地有好多款，好多style，顏色都有好多可以揀，有啲大膽D嘅款。我覺得比起百利同金都嘅舖都多好多款，同埋啲款唔會係以前去婚禮嗰時見過個啲。啲衫都keep得好好，好新淨。唯一可能係媽咪衫就比較少款，都係得比較傳統個啲，多數都係中式款，如果再多D西式款就更好。試衫個地方都舒服，好寬敞。最後我喺佢地度都揀到衫，揀左兩條晚裝～ 我覺得佢地服務都好好，好肯就我嘅時間，通常我都book5-6點呢個時間去試衫，但佢地其實係8pm收工，所以都好趕，好多時佢地都要OT留低執返啲裙，但佢地都無怨言。我去還衫嘅時候，帶漏左啲首飾，佢地都好好，叫我第二日再去還，都無話要扣我啲咩，或者charge我，真係講個「信」字，真係好好～