結婚1年前左右就去搵証婚律師，不過因為我哋嗰日係好日嚟，好多比較好嘅律師都full晒。咁啱我奶奶啲朋友嘅女結婚，佢去觀禮時覺得個律師好好，就諗住叫我哋都搵嗰個，不過我哋去問嗰位律師就咁啱無期，然後介紹咗我哋去搵Irene。 Irene佢真係好nice，初頭我哋都未confirm時，已經同我哋傾咗次，俾sample我哋睇佢之前試過點做，又唔使我哋即刻confirm，叫我哋返去諗吓先都得。後來又同我哋傾咗2次，仲由頭到尾都無收過我哋deposit。我覺得Irene雖然喺貴啲，但會肯幫我哋personalize個script，唔會喺好公式化做完就算嗰種。個script又可以俾我哋揀，佢知道我哋有請MC又主動問我哋想佢點樣配合個MC。除此之外又俾idea我哋去諗吓想唔想有倒沙儀式之類，俾咗好多意見我哋。我仲記得咁啱同我哋傾嘢嗰排佢屋企有事發生，但佢都好專業，唔會話帶住愁緒嚟同我哋傾嘢，真係好好！ 另一方面，唔知喺咪因為佢自己信教，佢好鼓勵人做義工。嗰時佢同我哋講如果到結婚前嘅時間去做1-2次義工，影返啲相send返俾佢睇，就可以減幾百蚊，真係一個好sweet嘅人！