我覺得迎潮個性價比好好～我娘家其實好遠，所以地點對我屋企嚟講真係好重要，要方便，我哋去到雅蘭就決定去搵佢地傾順便睇場。上到去一切都好滿意，而我哋其實都準備好confirm，但係佢地個經理就好好，好想俾多啲優惠我哋，就叫我哋hold住，叫我哋等到婚展先落大訂，話會送多啲優惠俾我哋，同埋佢個度菜都好食，整體服務都理想～而且佢地銷售態度唔hard sell，好均真。 我本身以為佢去到最後會叫我地比貼士，但一啲都無～～！反而我啊哥上年係青衣Club One擺酒就比人拗貼士，幾千蚊架，我呢間真係完全無，埋單埋咗3分鐘就完，同埋態度好好，我都幾推薦～～個陣其中一個經理因為想幫我追時間，因為我9點先開席，加上個晚係倒數，所以佢地就肉緊d催趕我哋，但其他嘢都好好。啲菜連我食嘢好挑剔既朋友都覺得好食，而且上菜分菜都好有效率，所以都唔錯架！我咁既價錢仲有完隻鮑魚～～同埋佢有個14萬既min charge，有min charge就可以包到成個場～！