我係Alca&Co.租左一條敬酒裙同一套西裝。當初會留意呢間公司係因為佢地既囍字裙，即係裙既布料鋪滿「囍」字，雖然最後我無揀到，但係我都覺得好特別😬😬。我租左一條紅色敬酒裙，偏短身既設計令我行動得方便啲。佢地既西裝比出面更多選擇，出面大多數設計都淨色為主。但係Alca&Co.既西裝會用格仔同一啲設計特別既布料，顏色比較vintage。staffs 既態度都好好，就算我地宜家完左big day,佢地都會間唔中聯絡我地，比discount我地有需要租婚紗既朋友。

Alca & Co 晚裝比較出名 😍 我唔鍾意普通嘅紗紗裙、公主裙，想玩啲型格嘢，所以就想搵花布款式。佢哋畀我無限試衫同轉衫，之後佢哋出新款我可以再轉，仲有機會慢慢揀，唔會話hold咗就冇得轉！如果整埋我未婚夫嘅西裝，可以襯埋我條裙，又可以幫我哋嘅結婚公仔整一件同款嘅衫畀佢哋著！佢哋款式好多好難揀，serve我嗰位係老闆娘，佢好詳細話畀我知每一款嘅特色。我本身下身偏肥，佢幫我揀啲遮到醜嘅衫，又話畀我知公仔同西裝可以點樣襯！佢哋好專業，啲衫嘅款式唔容易撞衫，聽講其中一塊布係人手織，上面有個囍字！不過佢哋冇做姊妹衫，但就有做屋企人、媽咪衫。