呢個都係朋友介紹，上到去就一眼覺得Ｄ婚紗好靚，雖然佢地Ｄ婚紗唔係歐陸款為主，但係Ｄ婚紗係保養得好好，睇落好新淨，而且Ｄ婚紗係齊晒唔同size可以揀。我自己都算係大碼新娘，係出面Ｄ舖頭可以揀嘅款其實唔多，因為Ｄ魚尾elegant款係我係出面好難租到著。但係呢喥，我租嗰條紅色敬酒裙真係超乎想像，佢係一條少少魚尾同修pat嘅，下面就有少少拖尾，我係超中意呢條既，個staff望咗下我身型就開始幫我揀款；而我係唔expect自己carry到，所以著到魚尾我真係好開心，全場人都話好高貴大方。服務態度又係非常好，佢完全唔怕煩，因為出現好多公司都收試身費又唔比影相，但呢間係比我任試，直到搵到想要為止；我朋友係我介紹下上去試，就算未必係啱佢都唔會黑面。我甚至係喥租埋褂同媽媽衫，套褂係大五福同褂后中間，褂Ｄ款就當然無Ｄ老字號咁多，但我地就揀咗條最多金銀線，佢地都講明著5次件褂就要退休！而媽咪衫就好多款，一有新款就打比我，大家都知媽咪其實係好多要求，又想修腰又要遮手臂，但R wedding完全係侍候到我兩位媽媽好滿意，完全係笑住走！！呢個價錢租到十幾件嘢真係好平！