我老公本身有讀photography，所以都識得睇啲攝影師影得好唔好。Raven佢係世界top 10，啲相真係影得好靚，而且好有風格同埋熱誠。我地本身都係想影啲靚景，同埋想有格調唔會硬梆梆，Raven佢嘅風格就好啱我地。我地第一次就上咗去office同佢地傾好啲plan，佢地都覆得好快。之後我地都一齊幫手，一人負責book一啲野，都好快搞掂。 化妝師感覺上經驗未必好多，但都好好。揀衫個度佢地服務態度都好好，雖然未必好多款，但係都會揀到自己想要嘅款，啲衫都靚。除咗佢地啲衫，我地亦有自己準備便服影相。 我地去左台南影，其中一個地方係個山堆，感覺好似置身係個沙漠度！其實當時我地吹到成身都係沙，攝影師直情除左佢副太陽眼鏡俾我地一人一副，影出尼變得好有格調同好型，亦都好有風格～ 另外，佢地本身預派4個人一齊去影相，後尾就黎咗5個人，送多個俾我地！因為多咗個人負責video cam，所以好多動作我都唔使重覆再做已經拍好。我都有要求想影返啲typical嘅相，例如係經典啲咁攞住個花球嗰種相，擺出尼大體啲，佢都好好，會配合我地要求。影相嘅時候佢會俾指示教下我地可以點擺pose，不過主要都係捕捉我地最自然果d moments。同埋佢有助手，會幫我地拍埋個making of，又有video又有埋航拍。我覺得啲相都好靚，如果多啲相個人大頭啲就更好！ 因為Raven都真係有名氣，所以價錢都唔平，不過都係值嘅！佢啲角度好創新，即使去同一個地方影嘅相都唔會每次都一樣，會有驚喜。而且佢本身好似讀啲關於建築設計，所以佢對建築物嘅感覺都好強，令到佢啲構圖好有美感，對光線捕捉都好好。我地覺得prewedding整個氣氛都好好，對啲相都覺得好滿意，所以我地big day都係搵佢地幫手！