我地上網睇睇吓嘅時候無意中見到Canbe佢地啲玫瑰花糖，我地都覺得真係好靚，而且啱哂啲小朋友。我地見佢地都有set埋 candy corner嘅服務，都係五光十色咁好靚！但係我地因為覺得好多呢啲candy corner都係要自己set up，都係麻煩到啲兄弟姊妹，或者好普通就咁砌個LOVE字出黎，我地又唔中意，所以一開頭已經決定咗唔要candy corner。同埋我地本身主題係Las Vegas，又已經有個雪糕booth，就更加無再考慮搵佢地set多個candy corner。 我係facebook度聯絡佢地，佢地都覆得好快，態度都好好。我地就淨係買佢地個玫瑰花糖，其實係以前細個食個啲長條甜甜酸酸嘅糖，佢地就用彩色嘅扭成花，下面再加綠色嘅糖做葉，一枝枝咁好靚。我地約係火車站交收，啲同事見到都即刻話好靚！ 我地收咗啲糖，就自己攞兩個玻璃樽咁set，放喺睇相果個counter到，整出黎個效果都係好好～當然，糖果就會受細路仔歡迎多啲，但係大人都有啲有食，同埋個個都會過去影下相，都讚好靚。最後成件事都好好，氣氛好好，嗰個位都絕無冷場～！