因為我地係除夕夜擺酒又比較遲搵，所以好多攝影師都無期或者係主攝影師唔得閒閒。嗰時我地其實一見到Stevenc Photography就好鍾意佢個風格，但係佢開頭都話Steven唔得閒，到後尾佢地特登調下個時間又安排到～所以就搵咗佢。 佢地都好好，其實我地去到開會嗰時都無咩concept要點，或者有咩idea，但佢地都俾左好多意見我地。佢地都講解得好清楚，啲意見又好有用，所以傾完都令到我地好信任佢地～ Overall都好好，做得比我想像中更好同埋更多！當日斟茶果個部分，因為我地無請到大妗姐，但係個副攝影師都好好，會企係隔離講啲吉利嘅說話，又會提議我地個方向點樣擺會靚啲，啲光會影得好啲，都好細心～ 我地都有搵佢地做成長片段、snapshot同埋合照，佢地都真係影到好多賓客啲相俾我地，唔會兼顧唔到兩邊，所以整體我地都滿意！