我地行婚展時去睇過本身酒席package包咗嗰間租衫公司，但我地就覺得佢地啲態度唔好，同埋得好少款，所以我地真係唔想揀佢地。之後我地都搵左好多間，見到Paradiso啲款係歐美style幾靚，於是決定搵佢地。 佢地主要係偏向歐美style，都好多款揀，同埋就算有啲款係已經可能租過幾次俾人，佢地都keep得好好，唔會爛或者發黃之類。 而且啲人都好好，佢地都會俾好多意見同埋ideas我地，都係好專業咁幫我地揀岩嘅衫。好多其他舖都會寫明要額外收錢先可以再試，但係佢地唔會要你額外俾錢先可以試到啲衫，反而仲會一有新款就催你去試。 最後我地租左兩套婚紗、一套晚裝，兩套男禮、同埋爸爸衫，我地都好滿意～！