我地都唔熟悉pre-wedding 啲嘢，所以都係去婚展邊行邊睇。我老公見到Dream's啲相，覺得佢地個風格幾特別，同其他個啲無咁似，而佢又知我係鍾意特別啲嘅風格，唔想同出面個個都差唔多，所以我地就坐低咗去了解多啲。其實我自己本身都好欣賞台灣人，覺得佢地影相同攞景個角度都好好，化妝嘅技術都唔錯，但係就唔想搵一個agent再幫我地去搵，所以可以直接同一間台灣公司傾，我覺得咁樣就會安全啲同埋可信啲💖。

雖然語言上溝通係無問題，但其實初頭我地都擔心，會唔會始終台灣人同香港人唔同，文化上面會唔係好一樣。但係佢地真係好nice，一坐低就已經覺得佢地好親切，亦都唔會好hard sell。睇相嗰時我已經好鍾意佢地個風格，後來咁啱睇到一輯好靚嘅相，影呢一輯相個攝影師又喺度，佢就即刻直接同我地傾吓。嗰時同佢地都傾到係可以安排到由呢位攝影師幫我地影返， 不過我地都無即刻決定，諗住返去再睇下comment先。之後我地睇完comment發覺都幾好，於是第二日就再去婚展度confirm。

到咗影相嘅日子，我地去到嗰邊機場見到佢地真係依舊親切！由買電話卡買邊張好，已經開始照顧我地。我地第一日去開會同埋揀衫，走個陣佢地又會介紹俾我地附近有咩好嘅地道嘢食可以試下。佢地嘅衫，整體嚟講嘅款式都係大膽啲，我都有啲估唔到！坦白講，衫嘅款式唔算好多，但係你要嗰啲款，佢都可以攞到幾件俾你揀，所以我覺得都係足夠。我揀咗嗰兩件就咁啱都係sexy啲同大膽啲嘅lace款。

我地初期預計影相會好辛苦，但係估唔到真係一個好開心好愉快嘅過程😍！當然都會攰，但係唔覺得咁快就過咗一日咁。過程入面，攝影師會教我地擺唔同pose，會比較特別，唔係普通個啲pose。另外化妝都好好，我本身要求想要blink blink 眼，所以佢係開會嗰陣已經幫我諗有咩造型，有啲造型我都無諗過可以咁！台式嘅化妝都係偏向簡約，但係出嚟個效果好靚。中間整個過程大家好似朋友咁相處，好多嘢都可以有商有量，所以感覺都好舒服🤗。

我最喜出望外嘅位，係執相呢部分，因為我本身諗住其實好多結婚相到最後都係靠執相，即係瘦手臂／大脾／高啲／瘦啲都係執出嚟～u3000但係我地個package只係包執8張相，而最後我睇返啲相反而全部都影得我高高瘦瘦，個攝影師真係非常勁！佢攞個角度攞得好好，所以根本唔需要靠執相已經影到好好嘅效果。最後我地要執嗰8張相，無一張係執呢啲嘢，而係例如想執一張係星空背景，一啲比較特別嘅效果，無一張係人像美圖， 所以成個過程真係超級滿意💯！！絕對係物有所值！ PS 佢地都係地道嘅台灣人，所以啲國語可能會有少少口音～但溝通上都係無咩問題嘅。

本身我地都唔想影D喺花園個種pre-wedding，想要cool d 嘅感覺，同埋都諗好去台灣影，所以我地行婚展嗰時見到Dream's佢地啲相就覺得好似幾啱feel。佢地喺台灣度影，啲相又有D古典D，有D cool D 嘅風格，係我地想要嘅嘢。同佢地傾嘅時候覺得佢地好細心，同埋都好傾，而且佢地一講都會好中point，係明我地想點。我地問嘅嘢佢地答得好清楚，講解D package都好清楚，唔會話有咩隱藏收費，所以就決定用佢地。👍🏻

中間嗰段時間我地主要都係以WeChat聯絡，攝影師同化妝師都好主動同埋細心。成個planning都係由佢地主導，所以我地都好輕鬆～～我地去揀衫個陣，男裝就唔算好多，特別D款都要加錢，但係都值嘅，加咗錢嗰啲我覺得算係中上質素。女裝就好多，但係佢地好好，睇完我地想影嘅地方嘅相，就已經幫我揀咗D啱影唔同地點嘅衫。我地一上去，就見到佢地已經幫我地預備好，所以就算好多衫，我都好快就可以揀好。😜

之前我地都聽朋友講過影一次pre－wedding係好攰好辛苦，所以我地都擔心會好攰，但係後來我地發現一啲都唔攰！整個過程我地淨係覺得好好玩，我地直頭想搵佢地再影多次✌🏼～！