夢想視覺工作室係我之前朋友用過後介紹比我。因為我哋係人地介紹去，所以好快就已經join咗，佢哋亦都無乜點樣sell我哋。

佢哋有好多地點比我哋揀，但我哋揀去台灣影係因為覺得語言上溝通到，佢哋化妝、攝影都係台灣人～佢哋會問我哋想影咩風格，然後就建議我哋去婚紗基地度影，因為個度有曬我哋想要嘅野。最後我哋就決定去影草地、沙灘同攝影基地～～

我覺得佢哋真係好熱心，例如我哋去台灣，其實第三日先影相，但事前佢哋會幫我哋睇天文台，發現當日會落雨，就叫我哋改時間，結果我哋就改咗，最後原定影相嗰日真係落雨！！佢哋真係好細心，咁都會幫我哋留意埋，仲提我哋改！

我覺得佢哋服務真係好貼心，連車都幫我哋安排好曬，成個流程都幫我哋諗好曬，我哋基本上只係負責比錢同埋帶個人過去！飛過去之前因為我哋已經喺佢哋個網度揀咗啲sample，所以去到好快就溝通好，因為事前已經做好曬準備！

呢一次係我哋第一次影pre wedding，所以一開始都幾生硬，但攝影師會引我哋笑，講下笑話，而且會教我哋唔同既手勢代表唔同既嘢，例如話佢舉右手就代表我哋要轉向左邊，令到成個流程smooth啲。我哋影相嗰日都好趕，因為要趕住去影日落，而影日落又有個特定地點。可惜後來真係去唔切，佢哋就喺車程中搵咗另一個地方同我地影日落，都真係好靚～！捕捉到個timing！

化妝方面因為我之前都有比好多人化過，自己都識化妝，睇得出佢嘅手法都好純熟，化之前我哋無見過面，佢又唔知我個樣或者輪廓之類，但去到佢已經可以知道我要修飾嘅位喺邊度，又搵到啱我嘅化妝品同化妝手法。

相方面都真係好靚！影完嗰下我哋睇佢部相機出黎嘅效果已經係我哋想要既效果，我哋直頭叫佢唔洗執相，因為已經係我哋心入面想要嘅嘢！其實我覺得佢執唔執都無分別～本身已經好靚！但佢都有叫我哋揀相出黎俾佢再執吓。同埋佢係影得好快手，唔會話要較好耐角度、光線，又好快知道問題係邊，一睇就知道要點樣調整，跟住就可以影到張靚嘅相，佢哋技巧真係好勁！基本上好多相都係一take過，所以個日影咗好多相！！差唔多有成4、5百張相。

揀相方面，因為我哋個陣臨近中秋節，台灣人好興有中秋晚會之類，佢哋嗰陣就邀請咗我哋去燒烤晚會，真係好熱情～而我哋就喺嗰晚揀埋相，所以有成晚比我哋慢慢揀。我哋喺幾百張相入面揀30張，雖然好難揀，但因為佢比曬啲相我哋，所以都好快揀完。我哋返到香港之後就主要係用email溝通，成個過程都好順利～

夢想視覺工作室 Dream's其實係朋友介紹俾我哋，不過嗰時我哋都仲有喺婚度睇多幾間台灣公司先下決定。其他嗰啲台灣公司⋯⋯我真係只可以話佢地係太識做生意＠＠，基本上你坐咗落去之後真係唔使旨意有得走，佢哋真係會係咁sell係咁sell⋯⋯後來我哋去到Dream's嗰度，真係覺得佢哋好唔一樣！佢哋會俾空間我哋慢慢傾計，完全無sell，感覺就好似朋友傾計咁。佢哋會開吓玩笑，又俾我哋自己慢慢去揭佢哋啲相簿。估唔到揭揭吓，佢哋就攞啲鳳梨酥出黎請我哋食。我真係無諗過行婚展會有公司買定鳳梨酥請你食，我哋嗰時仲係要完全未話會幫襯！喺婚展度傾談嘅成個過程真係好舒服，呢個真係值得一讚，多謝佢哋俾咗個好好嘅空間我哋去考慮。 老實講，當初朋友介紹嘅時候都覺得無乜點聽過呢間公司，睇佢哋價錢都算合理，傾談過程舒服就揀咗佢哋，宜家諗返轉頭嗰時都有少少搏一舖嘅感覺！但係又真係因為佢哋嘅熱誠，真係好有禮貌，好有朋友嘅感覺，所以就俾到個信心我哋儘管試一次。最後我哋都會真係無後悔，佢哋服務真係好好～

我好記得當時去傾攝影安排嗰時，我有同佢哋講我係好鐘意影繡球花，所以嗰時我好似係1-2月落單，因為繡球花未開，就將拍攝日期就定到近6-7月先至影，所以都唔係一落單無幾耐就去影。佢哋嘅coordinator Carmen安排都做得好仔細，有好清楚咁提我哋要帶啲咩過去。 去到當地，嗰度嘅團隊真係同香港嘅一樣咁好，相處落係一樣咁開心同輕鬆。特別要提吓化妝師小靜，你初時見佢個樣真係好似個𡃁妹咁，但佢對化妝真係好執著，好認真化好我個妝。有一個眼睫毛位唔係做得咁對稱，老實講，我都已經唔係好理，但佢真係好堅持一定要痴到完美為止，而出黎嘅效果真係非常之好，非常靚！我同佢講我想化韓妝，即係白白地清新啲嘅感覺，佢都完全做到韓式嗰個感覺，真係好滿意小靜嘅服務。

跟住到拍攝，我哋去咗陽明山。當時好深刻係落緊好大雨，未開始上山已經落緊好大雨，上到山仲更大雨！當時我都好擔心，唔知咁大雨仲影唔影到，天氣點解會咁差，其實成個人都好灰。攝影師俊男佢都好體貼到我哋嘅心情，有安慰我哋，同我哋講吓笑，又拍晒心口話一定會盡力幫我哋處理，我哋只係開開心心去影就得。去到之後，都唔知係咪叫因禍得福，成個陽明山都無人，得我哋一pair喺度影相～所以我哋影出黎啲相真係完全唔會影到其他人。我仲記得攝影助手真係好搞笑，因為明明落緊好大雨，影嘅時候就佢就幫我哋喺後面擔住把遮。攝影師一話影喇，助手佢就即刻收遮䁥喺我哋後面，嗰個場面真係好搞笑！成個感覺好似玩緊咁，成個團隊好似一齊去旅行一齊玩，成個過程都係充滿笑聲，好開心～

除咗攝影同化妝師嘅團隊好好，佢哋啲衫都好高質素，試衫嘅位放咗好多好靚好乾淨嘅衫！呢個真係值得推介俾其他新人，因為啲衫真係又新又乾淨～值得一讚！ 影出黎啲相效果真係好好！明明嗰時嗰天係灰濛濛，落住大雨，但係唔知點解佢哋可以影到好光猛，睇唔出天氣好差。特別係佢哋後期仲要做多咗俾我哋～ 因為嗰時我哋買咗個package係唔需要修圖，心諗到時就自己慢慢揀返靚嗰啲，自己攞出去曬。但係佢哋真係會為新人行多步，明明就真係無俾錢修圖，但係有幾張佢哋都有touch up得靚少少先俾我哋，盡量推得靚啲等我哋big day用時都會攞到最靚嘅相俾啲賓客睇，呢個我真係好感謝佢哋！啲相真係好靚～我真係好appreciate佢哋！

我覺得Dream's啲promotion真係唔夠，應該喺香港盡量做多啲廣告同推廣。我自己覺得以佢哋嘅質素同服務，真係應該俾多啲人認識，希望佢哋可以喺香港市場做得更加好啦～