香港攝影師及婚紗設計師, 主力於香港及日本拍攝, 正在追尋夢想中光與影結合的相片, 還有設計自己喜歡沒有常規的婚紗，那才是最完美的組合。創辦人Dr Leung Wing Wa熟悉日本文化，十年來走遍日本各地拍攝，將新人的幸福時刻定格，由浪漫的北海道雪景到沖繩的海邊教堂，均一一在鏡頭下展現獨特美態。Dr Leung還嘗試自己設計一件件精緻無比的婚紗，由畫草圖、選布料、裁縫製作一手包辦。如此用心，為的是每位新娘都可披上亮眼的完美嫁衣，再由他自己親手按下快門，記錄最美的人與事。最擅長清新自然的拍攝風格，在柔美色調中呈現新人的溫馨互動。
我地pre-wedding想揀個地方同市面好common個D唔同，所以就想去關東。因為我自己本身都熟影相D地方，所以嗰時上網睇KnW啲相，就已經感覺到佢地係好熟日本地點。同埋之後我覺得同個攝影師簡直有種一見如故嘅感覺🤗，大家都鍾意影相，而且都係鍾意發掘一啲唔同特別嘅地方，連D冷門地方都知道！所以我地好快選擇咗KnW！✌🏼
去到睇衫，女裝款就一般，都算ok，不過佢地全部都係自己design再俾大陸D廠整，比較特別。化妝師就化得好快手，而且化得好靚！
至於影相同行程嘅成個planning我地都覺得佢地準備得好周詳，跟佢地嘅心pre-wedding 好似去緊旅行咁！佢安排曬我提出嘅冷門地方 (千葉縣小湊鐵道，栃木縣真岡市）喺行程入面，而且一邊揸車仲會分享下附近有咩出名嘅嘢！我地第一個景點係千葉縣泉自然公園，我地一去到成個地方都係櫻花🌸，仲要係一個人都無，個下大家都好震撼好難忘，亦係第一次睇到櫻花。佢地plan路線都好細心，因為我地想去小湊鐵道🛤，係想影埋油菜花，但係D班次係好疏落。佢地就安排我地一早無人嗰陣去咗公園度影相先，到晏晝多D班次嗰陣先去鐵道度影，安排得好好而且好善用時間！⏲
