我係Grace Kelly租左一條魚尾裙做證婚婚紗。試裙個陣覺得佢地服務態度唔錯，有次我試裙既時候無曬nude bra,佢地同事即刻落去幫我買。Final fit既時候有個師傅會幫我度身改fit條裙，令到我著落去真係啱啱好，真係好貼心! 無論主紗、敬酒裙定禮服佢地都算多款式選擇, 所以除左魚尾婚紗之外，敬酒、迎賓、送客裙我都係佢地度租😚。

我覺得佢地啲婚紗好靚！同埋個Sales態度幾好，而且好有專業婚紗知識～ 佢地嗰度款式都多，去到嘅時候個sales好識睇我適合啲咩，比到好多意見～所以好快就揀到，慳返好多時間。另外，佢地又唔會hard sell要我揀啲貴嘅品牌，所以感覺都幾好。

佢地service真係好好，會送到你去𨋢度關門先走。我試衫試到好攰嘅時候，佢會問：吓?!你真係唔試嗱?好似仲緊張過我咁！改衫嘅時候我已經好滿意，但係竟然係改衫師傅話「唔得~~~要最做到最靚~~~」但係嗰吓我真係已經好攰，都忍唔住「吓...」咗一聲～但係佢就同我講「差少少㗎咋！你等多我一陣啦～你係咪要最靚呀？」雖然我真係好攰，但係見到佢地唔係求其對待客人，而係好認真想做好件事。我仲成日都搞到個sales要OT，得返佢一個人喺度serve我，但係佢都無怨言，態度好好～

我租咗兩件婚紗同一件晚裝～ 件衫質料好靚！啲朋友同親戚嚟到見到都話好靚！