我係My Gift Wedding度整deco，真係失望。🙃當初婚展銷售同事就話咩都可以幫手整，仲提及會有第一、二、三稿，客人可以睇第一稿之後再睇下有咩要執。講好多嘢都好完美咁，但係自從落單之後就一路都冇follow up進度比我知。🤨係我不斷whatsapp追問佢哋攞稿，好耐先比到第一稿搞到我都唔夠膽再執，怕會趕唔切。同埋我本身要求要有毛毛地毯，但係第一稿嘅時候唔見有，於是我就同銷售同事反映，佢就話到時會有。😅雖然big day當日真係有毛毛地毯而且成個backdrop質素都唔差，但係成個過程令到我好不安，好多嘢擔心。😔我本身已經好多嘢要兼顧，big day當日係擔心到搵其他朋友幫手mon住backdrop嘅進度，就連尾數都係我追佢哋問佢哋幾時要比，佢哋先覆我，係溝通上真係有好大嘅問題😩

係海景嘉福酒店擺酒會包埋佢地既production house，即係 MyGift Shop Decoration 既場地佈置。佢地就包左畫架、Backdrop同Reception table。呢間公司提供好多款俾我地揀，有好多唔同色系既佈置🧡💛💚💙。當日我地見到個效果都好滿意，同睇相一樣。佢地既風格係比較簡單、唔誇張。雖然簡單左少少，但係我地自己另外有準備一啲氣球同裝飾，所以都ok😗