黃金海岸鄉村俱樂部·遊艇會
Gold Coast Yacht & Country Club
4.5
香港屯門青山公路青山灣段1號 1 Castle Peak Road (Castle Peak Bay), Tuen Mun, Hong Kong
2404 3201/ 2404 3280
關於 黃金海岸鄉村俱樂部·遊艇會

黃金海岸鄉村俱樂部.遊艇會坐擁迷人景緻。以豪華遊艇作背景,新人可在綠茵草坪舉行婚禮,在親友及碧海藍天的見證下,訂立愛的盟誓,接受來賓的祝福。時尚浪漫的室內外婚宴場地,典雅的佈置及優越的餐飲服務,定會為你的婚禮添上無限甜蜜驚喜。



Turquoise waters, velvety green lawn, and gorgeous marina scenes present the backdrop for one of the most memorable moments in your lifetime. Choose from our romantic outdoor and indoor venues with elegant decorations that offer endless enchanting possibilities for your memorable ceremony.



立即按以下圖片,進入VR全景世界,讓您感受如同置身其中的體驗



GCYCC Ballroom VR





中式婚宴
西式婚宴
證婚典禮
中式婚宴
西式婚宴
證婚典禮
套餐詳情
2020 – 2021 中式婚宴套餐
2020 – 2021 西式婚宴套餐
2020 - 2021 證婚及雞尾酒會套餐
最新評論
整體滿意度
4.5
過濾評語:
Chan
4
精選評論
我會揀黃金海岸遊艇會係因為佢哋個景靚,有遊艇又對海,同埋近我哋親戚住嘅地方。我去行婚展見到佢哋有擺booth…

我會揀黃金海岸遊艇會係因為佢哋個景靚,有遊艇又對海,同埋近我哋親戚住嘅地方。我去行婚展見到佢哋有擺booth,接觸咗嗰salesEmily,所以之後睇場都係約佢。我睇相嘅時候個草地會大啲,但係個草地會比我想像中細,但係其實都ok嘅,可以坐到80人。食buffet嘅花園廳唔算好大,不過for啲想搞低調啲婚宴嘅新人,大概80人之內係夠坐嘅。之後睇埋個新娘房,係算近嘅,又有𨋢搭,啲配套唔錯。我有比較過其他有得俾親戚睇證婚嘅場地,有啲天台都可以做到,但係我唔係好想睇啲樓景,而係想喺海邊咁有個草地,所以睇咗遊艇會個場之後覺得最適合,就好快扑咗槌,決定喺佢哋嘅草地證婚同喺花園廳食lunch😆

我臨一個月前就拎咗rundownEmily傾,佢會俾意見,譬如幾時要安排對crew去食嘢,同埋仲有提供斟茶用品,幫到手嘅都會儘量幫手。Big day嗰日有兩個姐姐會貼身跟住我,幫我打點、拎裙嗰啲都跟得好足👍🏻。我都有聽親戚朋友讚個場,啲嘢食幾好同埋啲員工好responsive,要refill飲品嘅時候都好快手。佢哋驚我同我老公無食嘢,完咗仲打包咗啲食物俾我哋,真係好好。不過可能因為啲老人家唔慣食羊架,好似好生咁,佢哋就會麻麻地,但係其他嘢食佢哋都覺得好食😋

有一個位會差少少,係我聽姐妹講嘅,就係音響會差少少,佢哋插咗USB落去,嗰部機係唔會loop啲歌,播完一首歌就會停咗😣。仲有少少美中不足嘅就係遊艇會提供咗單程嘅旅遊巴,不過可能係司機溝通上有問題,原本應該車佢哋去酒店,但係最後就送咗去遊艇會,咁變咗呢度嘅時間就搞到好緊張。其實我見Emily幫我跟嘅時候都mark咗係酒店㗎,咁我唔知係咪司機自己誤會咗啦🙈。我同咗遊艇會嗰度反映返,Emily已經即刻幫我跟,睇下係咩原因同道歉,其實係ok嘅。

Emily嗰日話個新娘房用到晏晝就要交,但係部長就話唔緊要可以照用,用到完咗先交還都ok,但最後先發現原來下一pair新人要用新娘房,佢哋呢度嘅溝通上可能就有啲問題。同埋新娘房個夾萬係壞嘅,最後唯有叫個姐妹拎住啲嘢。

不過我會介紹遊艇會俾其他新人啊,因為完咗成個食飯,佢哋有送一個鐘俾我去遊艇影相,呢個安排唔錯,架遊艇好乾淨,好特別同難忘,平時好少有呢啲機會🥰。有人帶我哋去,我啲兄弟姐妹執完嘢都會帶佢哋去。有樣嘢想讚嘅,Ray係我當日睇場in charge嘅部長,因為我兄弟姐妹去set up場地嘅時候擺咗相同candy corner嗰啲,時間好趕,但係我姐妹拎漏咗個文具袋,Ray好幫得手,即刻提供工具之外仲幫手整埋candy corner😇,因為我啲姐妹真係搞唔切。佢哋無額外嘅收費,我早落訂仲可以免加一,佢有送單程嘅旅遊巴同蛋糕,價錢合理,如果唔想大搞嘅話個價錢係ok嘅。

婚禮及婚宴場地
Kelly
4.5
精選評論
我參加咗之前黃金海岸喺會所搞咗個open day,睇左佢哋嘅兩個場,證婚草地個場我一睇已經好鍾意,因為有海景同遊艇會景,雖然ball room中間有柱,但係佢哋價錢、package同成個環境都好好,所以就揀咗喺佢哋嗰度擺婚宴啦😆。
我哋平時會用電話同email同佢哋溝通,負責我哋嘅manager好responsive好…

我參加咗之前黃金海岸喺會所搞咗個open day,睇左佢哋嘅兩個場,證婚草地個場我一睇已經好鍾意,因為有海景同遊艇會景,雖然ball room中間有柱,但係佢哋價錢、package同成個環境都好好,所以就揀咗喺佢哋嗰度擺婚宴啦😆。

我哋平時會用電話同email同佢哋溝通,負責我哋嘅manager好responsive好上心。因為我婚期嗰排有社會運動,就會有好多uncertainty,所以中間佢哋會預計有啲咩發生,做咗好多事先準備,好flexible。最後婚禮如期舉行到,但係我好appreciate佢哋俾出potential嘅plans同offer,有突發情況嘅話都可以即刻處理到👍🏻。

我哋訂咗啲嘢預先call車送過去,同咗佢哋講佢哋就會幫我哋交收,我哋唔洗專登去嗰度。Event manager好幫得手,big day當日會全程跟住我哋,譬如我哋唔記得print誓詞張卡仔,問佢哋可唔可以即刻print,佢即刻就幫我哋搞掂。有啲賓客有啲特別要求,係我哋之前無預到嘅,佢哋好盡力去entertain到。夜晚婚宴嘅時候賓客對位置有啲要求,就要臨時改動,佢亦都幫我哋處理得好好。嘢食方面我哋有事先試過菜嘅,同big day當日嘅水準相差唔遠,大家嘅comment非常好,我覺得係好食過酒店嘅😋。

我媽咪都好滿意佢哋服務,因為佢哋除咗準備嘢食,仲會有人照顧媽咪同我。佢哋嘅package會幫埋兩至三程嘅shuttle,我哋臨尾就加多程。因為佢哋嘅場唔大,得一個ball room同一個證婚場地,所以每日安排兩場婚宴就啱啱好,但係我聽到佢哋係唔止兩至三場,就會有啲誇張。因為嗰日佢哋朝早同晏晝都有一場,就要4點先俾到個夜晚場我哋,如果佢哋可以唔好安排得咁packed就更加好啦🙈。

不過都有個優點係雖然佢哋安排好多場,但係同一個時間就淨係得我哋喺度,所以privacy好高。我會介紹佢哋俾其他新人,因為佢哋證婚嘅草地非常靚,仲要係向西,所以我哋嗰日5點鐘行力就可以見到個鹹蛋黃,天色好嘅話個日落真係好靚,香港都無咩場地係向西咁可以睇到個日落😍。佢哋嘅價錢性價比好高,因為佢哋minimum charge無出面咁高,唔收加一同corkage fee,淨係呢兩樣已經慳左好多,佢哋仲會送埋一年會籍俾我哋,可以用limit嘅facility,主要可以食嘢,真係好值得🥳。

婚禮及婚宴場地
最新優惠
聯絡商戶