我哋想要真草嘅草地做證婚，所以上網搵嘅時候發現到GCYCC，之後都有上網睇過其他公司做比較。因為我哋本身住近屯門，但其他有真草嘅公司就比較遠。我哋亦實地睇過GCYCC，覺得個到環境好優美👍，遊艇做background，所以揀咗GCYCC。我哋想擺中式嘅晚宴，佢哋都可以配合到🥳，價錢又合心意，符合到我哋嘅需要！之前我哋都上Bespoke wedding網站睇過啲評語，大致上評價都好好，所以對佢哋比較有信心💪。

其實當中我哋係有改過日子，GCYCC都俾我哋改期，呢方面做得好好。Nette係主力負責我哋，佢會係唔同嘅時段打電話俾我哋同約我哋面談，當中解答咗好多我哋嘅疑惑，甚至俾咗好多建議我哋關於個婚禮rundown點安排，我哋覺得佢真係好好🥰。我哋之後另請嘅wedding planner係比較後期個陣協助我哋，但前期都係Nette幫手，所以前期我哋有好多疑問都會問Nette，而佢每一次都會好耐心咁解答。籌備過程中有好多嘅猶豫，Nette就會俾到好多實際嘅意見我哋，特別係圍數，一開始本來係18圍，講講下又變咗19圍，最後係20圍，但係佢哋都配合到🙏🏻。

去實地考察嘅時候覺得草地係同預期中一樣，我哋去果陣好似啱啱打完風，佢哋已經處理緊。經過一段時間之後，我哋再去返嘅時候，草地已經修葺得好好🤩。另外，雖然Ballroom樓底唔算話好高，但係都可以接受。Big day當日，草地證婚個景實係好靚，我哋覺得好舒服，有親戚朋友大讚食物好味，仲話鮑魚好大隻🤗。Ballroom經理Wilson都好幫得手，當日基本上佢全程跟進我哋有乜嘢需要，例如有賓客需要餵奶，想話可唔可以開多間房俾賓客，佢都好快處理到。同埋我哋rundown係有啲趕，Wilson喺敬酒部分會一路帶領住我哋，幫我哋追返啲時間，令我哋覺得成個處理好專業，好有經驗💯。最深刻嘅事係我哋去完外影落車個陣，Nette同其他工作人員已經企住係度迎接我哋，然後睇我哋有乜嘢需要，佢哋出曬嚟幫我哋攞嘢，然後再帶我哋去新娘房，再話俾我哋聽幾點要做啲乜嘢，真係好主動😘，好細心！

我哋當初係去婚展參觀做research了解吓，睇咗幾間之後，最後揀GCYCC🥰。因為我覺得戶外證婚比較靚，比較特別。我哋都有網上睇過啲comment都比較正面，所以就決定試吓，😆再加上當時serve我嘅同事Nette態度又好好，非常nice，好熱情咁講解啲package内容，好專業，又唔會hard sell，俾咗我哋好多實際性嘅建議💯！我哋有時會約面談，一時就用whatsapp溝通，佢都覆得好快，無論幾夜佢都會好清楚咁解答我個message👍🏻。

我哋都有去GCYCC睇過場地，成個環境感覺比較似外國，好特别，尤其係戶外證婚個part，成個場地都Keep得好乾凈，令人覺得好舒服，呢部分我哋都好滿意。我哋選嘅package係包埋食物，而食物方面佢哋都好多種類，有唔同嘅plan俾我哋選擇。當中如果有覺得唔係好啱心水嘅食物都可以upgrade換其他嘢食，呢方面我覺得都幾貼心🥰。

Big day個日，GCYCC嘅職員都非常之熱心。當日其實我有少少感冒，佢哋就好窩心咁幫我準備檸檬水🥰，另外安排咗一個貼身助理全程跟住我。貼身助理都好細心，從頭到尾都keep住照顧我，睇有冇嘢需要幫手，仲有另一位經理都好唔錯，跟得好足！當日有啲小插曲，但完全冇影響整體服務👍🏻。當日仲好多賓客都特登同我講，户外嘅場地真好靚，好大體，俾人一種好舒服嘅感覺❤️。完咗婚禮之後，GCYCC同事都有keep住follow返我哋嘅feedback，非常之好，所有工作人員都好用心，俾咗一個好好嘅體驗我哋。