因為職業需要我成日著西裝，結婚之前已經係名將買開西裝，big day當日嘅西裝都係出自名將嘅😊會選擇名將主要係佢哋布料靚、cutting好同服務一流，而且佢哋嘅西裝可以應對唔同需要、場合。😁例如我返工嘅時候就會選擇黑色西裝；日常西裝花款比較多，英式嘅有、格仔嘅都有，而且好得體。😉就連我仔仔都有粉紅色格仔恤衫係佢度買。佢哋嘅服務係令你好感受到tailor made嘅元素同重要性，如果同佢哋講件西裝係for返工嘅話，佢哋就會預鬆少少，有啲彈性冇咁辛苦😎；如果smart causal就會slim啲、修身啲。總唔會每一套都好似郭富城咁緊身嘅😆其他鋪頭就未必會比意見你，好多時都一式一樣，但名將就真係會視乎我嘅需要調整。最後就係名將效率都幾高，趕住要嘅話大約4日可以攞，一般情況下就7日叫你去再試，睇下有冇地方要改。👍🏼

名將嘅西裝同恤衫我幫襯都唔止一次㗎啦！就算結婚之後到依家都keep住搵佢買，因為返工都要著西裝，而之前我又冇搵開其他鋪頭做tailor made西裝。🤭我覺得佢哋手工幾好，西裝嘅舒適度都算出色，布料嘅質素都係高嘅，同埋剪裁都幾好睇，只係如果顏色、款式方面可以提供多少少選擇就更好！🙈當然啦，訂造嘅西裝價錢一定唔會係太低，但我覺得以佢哋嘅水準來講，價錢係合理嘅，屬於中價位。🤔同埋我覺得成個過程好方便，度完身之後就直接揀布料，好流暢！試咁多次都唔會有度完之後唔啱身嘅情況出現，係訂造西裝同恤衫一個唔錯嘅選擇！👍🏼