我覺得一條龍服務方便到我唔少，尤其係當Fancybridal Studio嘅職員Andrew係一個好健談好幫得手嘅人。我同佢嘅合作過程好順利，rundown方面佢會講晒細節俾我聽，甚至乎幫埋我安排，我唔需要自己花心思花時間去諗，每一件事情都安排得非常妥當。細緻到邊段時間要做啲乜嘢都安排得好好，有咩問題又會極速上水回覆我哋。

甚至乎我原本搵嘅化妝師臨時甩底都係佢幫我手搞番掂件事，又點能夠唔讚下佢哋呢。😎 big day嘅時候佢完全就係一個wedding planner嘅角色，值得我去信賴，每件事都做到盡善盡美。佢幫我搵嘅化妝師表現都好正常，臨急臨忙幫我搵到一個表現唔錯嘅化妝師都真係好多謝佢。😉

至於攝影師big day更加係專業到無話可說，因為我家庭都比較多人，小朋友都唔少。要令小朋友望鏡頭係一件好困難嘅事，佢哋攝影師竟然會隨身帶住啲玩具氹小朋友，引佢哋望鏡頭，我當時都真係好surprise。

攝影師佢嘅指示都非常清晰，教pose嘅時候甚至乎會親自做埋動作示範。🤩 頭先所講家庭比較大，除咗喺香港舉行婚禮之外，我都有返上內地嗰邊搞婚禮。當時我爸爸媽媽臨急臨忙同我講話要加一個March in嘅環節，我本身都冇諗過亦都冇考慮過second plan，但係佢哋竟然會幫我準備額外多一條裙，等我唔使同香港big day嗰日嘅裙撞。🥰

至於回相方面都好快速，大概一個禮拜就已經俾咗啲我去睇。我覺得好幸運，可以搵到一間咁好嘅公司幫手，真係令我輕鬆好多。

籌備婚禮嘅時候聽朋友講Fancybridal Studio係一間好有交帶、質素好高嘅公司，所以決定搵佢哋傾吓計。

當時Andrew比我一個好認真同少少嚴肅嘅感覺，令到我好放心將我嘅婚禮交比佢。不過之後識落發現佢都係一個會講吓笑嘅人嚟嘅。我當時有好多唔識嘅嘢問佢，佢就會根據佢自己嘅experience講解流程，甚至幫埋我哋手揀日子。我真係好驚訝佢識睇通勝，用通勝幫我哋決定過日子真係太神奇啦！😂

基本上我哋係一條龍服務咩都係搵佢哋幫手搞埋，兄弟姊妹嘅衫、花球都係喺佢哋度訂，更何況係我同太太嘅西裝同裙呢。我記得當時我哋都揀咗四至五套，佢會建議埋我太太同我幾時換衫，換邊套比較好。👍🏻

當日嘅化妝師聽我太太講係一個好溫柔好細心嘅女仔，全程都跟得好足，一見到條裙或者係妝容有啲咩問題都會即刻幫手處理。而攝影師阿Joe佢都係認真得來會搞gag嘅人，全程嘅指導都好完美，會教我哋點樣企點樣擺pose，成個氣氛令我同太太都好容易投入，做到真情流露。而當日除咗影我哋之外，所有親戚基本上都有自己嘅鏡頭，全部都影得好靚，基本上攝影師們都係有求必應嘅。🤓我覺得佢哋影相嘅風格係非常之長青，之後睇返都唔會覺得好舊嘅感覺。