我係經朋友介紹認識Harpy Studio，之後就上網睇過Katrina資料，覺得都OK，就揀咗佢😃。我join嘅係豎琴表演，而負責豎琴表演嘅就係Katrina。由於我哋當時搵得都比較急，問完Katrina，佢話有期，我哋都放咗個心頭大石。之後，我哋溝通嘅過程中，Katrina都好friendly😌，講解得好詳細，仲比咗個playlist我哋揀。佢知我哋對豎琴嘅歌唔太悉熟，又會同我哋講解返豎琴適合彈啲乜歌，仲好貼心主動問我有冇playlist以外嘅歌想揀，我覺得呢點好好🥰。同埋，佢分享咗好多之前相關嘅經驗，關於當晚嘅rundown，decoration同arrangement又主動比咗好多有用嘅意見，所以比咗好多信心我。

Big day當日，我哋原本安排個豎琴演奏表演喺outdoor，但咁啱個日keep住落雨🌧，Katrina就建議我哋將表演位置轉去另一個地方，令成個表演流程可以繼續😄，而佢當日嘅表現都好好，表演得好精彩。另外，因為大家平時都好見到豎琴呢種樂器，覺得好grand，所以好多親戚朋友都去同豎琴影相。因為我哋嘅婚禮係pet-friendly🐶，我自己都有帶狗狗去，傾開先知原來Katrina都有養寵物，所以我哋有好多共同話題，好啱傾，所以Overall感覺都好好， 我同先生都覺得好滿意。

我之前上網搵豎琴表演嘅時候，都比較過幾間studio，但其他公司都係有指定playlist，只有Harpy Studio係可以比我自選三首表演歌曲👍🏻，比較彈性，價錢又合理，而平時Katrina回覆訊息都好快，又會好friendly同細心講解。當時仲考慮緊個陣，我主動同Katrina講想傾個電話了解多少少package，佢都好nice，有同我傾到電話。傾完電話之後令我可以了解Katrina更多🤗，整個過程都好comfortable，所以我好快就決定揀咗Harpy Studio，join咗Big Day嘅豎琴同小提琴二重奏🎻。

之後Katrina仲好好🥰，比咗幾個拉小提琴樂手嘅reference我，問我prefer邊個，我揀完之後再幫我問下夾唔夾到期，最後我都揀到心目中想要個個。同埋，我揀咗首歌曲可能偏向jazz music，豎琴可能未必match到，但Katrina都好願意配合我，最後都做到我心目中想要嘅效果🤩。而我哋Big day喺1881舉行，Katrina都同我哋分享話，佢之前都有喺1881表演過，都熟悉嗰到環境，呢點都比咗好大信心我🤝。

Big day當日，Katrina同佢嘅partner好準時到咗場地。其實，當日我一直都好擔心會落雨，所以安排咗佢哋喺有瓦遮頭嘅地方表演，佢哋都好樂意配合😊。而我第一眼見到Katrina，就係喺佢表演緊嘅時候，我覺得佢好Professional，感覺好friendly，佢仲著得好靚好大方得體👗，整個表演過程都好smooth。雖然當中小提琴手應該係太緊張🤣，有一兩個音有少少失準，不過唔係明顯，但係我都明白，唔會介意，之後表現都好好👍。我家姐都覺得佢哋Overall表現都好好，好有水準，大家都覺得好滿意💯。