因為我太堅持去愉景灣證婚，而咁啱又轉咗時間比較緊逼，惟有呢間係愉景灣碼頭隔離嘅場可以令我哋食完嘢準時搭船入去。 婚禮當日完全冇同事負責幫我哋，Sales Anny個人唔知去咗邊，當日入到去一個人都冇，不過啲嘢食就已經擺哂喺到，所以我哋就咁入去食。 食嘅嘢好普通，只係菠蘿腸仔、三文治、沙律等等，唔太夠飽，大概二三百蚊一個人。但因為包嘅場cockail嘅價就喺萬五蚊包證婚，所以都要接受。因為我唔需要證婚，所以佢哋就送返個名牌俾我地。我老公話呢個價錢可以請大家食自助餐，只不過喺因為唔夠時間，先被逼揀呢個場同埋食咁普通嘅食物。