Alexander Hera( AH Gallery )
0.5
最新評語
整體滿意度
0.5
過濾評語:
ShanBB
0
精選評論
一肚氣。。。 婚展前真係要做足功課先好坐底,一不小心坐底左就中左伏,佢哋個老細同SALES sell 人既技巧可以媲美美容院。都係個句啦, sell 你個陣咩都得,仲有千祈唔好一次過俾哂錢,真係中大伏 D 禮服真係唔好意思, 我揀唔落手,又舊又leung, sales 話係自家品牌,你懂的,算啦,你係攝影公司我唔敢期望…

一肚氣。。。 婚展前真係要做足功課先好坐底,一不小心坐底左就中左伏,佢哋個老細同SALES sell 人既技巧可以媲美美容院。都係個句啦, sell 你個陣咩都得,仲有千祈唔好一次過俾哂錢,真係中大伏 D 禮服真係唔好意思, 我揀唔落手,又舊又leung, sales 話係自家品牌,你懂的,算啦,你係攝影公司我唔敢期望你D 衫好靚。 拍攝前,同攝影師會開會傾idea, 我問同佢係拍開咩風格,佢話大公司brand 無咩個人風格架喎, 神回覆。我俾sample 佢睇我想拍咩,佢話no guarantee影到架喎, 真係好坦白。 如果個日係佢坐booth 咪好囉, 佢真係好真誠好坦白,佢道出左事實既真相。的確如此。 拍攝當日,三十幾度,熱到痴線,我除左係studio 補過妝之外, 我同我老公都係完全唔洗補妝架, 唇膏都無補過,汗都無幫我印過,因為化妝師話個妝係防水架, 正。 最後收番D 相, 我發現唔同b2b既相, 都差不多。原來只係大公司流水作業式一式一樣,而且同佢哋數年前既作品真係無咩進步。另外, D 相執得真係令人極度失望,如果你識用美圖,你會發現自己執得好過佢, 如果你識用PS, 你一定爆血管。有無心影相執相,你懂的。 奉勸大家一句,行婚展唔好輕易坐底。做好功課先到去。否則為你既pre wedding 蒙上污點, 也令你唔見幾皮野 。

攝影
blytheling811
0.5
精選評論
Alexander Hera Facebook廣告都幾多,我都係睇到先認識到呢間公司。我見佢哋有晒影相同拍片服務,應該係打公司brand。我覺得Alexander Hera好hard sell,係你上咗去就走唔到嗰種。佢哋會係咁講自己有幾好有幾好,我哋話諗下先,佢哋就會話「點解啊?點解你覺得唔好啊?其實我哋真係做到架喎…

Alexander Hera Facebook廣告都幾多,我都係睇到先認識到呢間公司。我見佢哋有晒影相同拍片服務,應該係打公司brand。我覺得Alexander Hera好hard sell,係你上咗去就走唔到嗰種。佢哋會係咁講自己有幾好有幾好,我哋話諗下先,佢哋就會話「點解啊?點解你覺得唔好啊?其實我哋真係做到架喎,呢個優惠真係最後啦喎」。當時佢咁樣講我先生真係驚出面搵唔到,加上我哋真係未做足research!!嗰次只係咁啱試裙去開上環、中環嗰頭,差一條街就係Alexander Hera,咪諗住上去望吓,點知佢係咁sell係咁sell,我先生見佢好似好有heart咁又同你傾到成十點幾,咪諗住是但啦(男仔真係好易比人sell到!!!)。到俾錢嗰時,佢哋話婚禮公司呢行好易做做吓執咗笠,所以唔收卡,我哋就扮嘢話冇錢係身,佢仲要帶我哋去銀行襟錢,好似騙徒咁跟住我哋去,我哋仲傻傻吓full pay咗。 只怪我哋一開頭都無諗咁多就比錢join咗,之後諗諗下全部用公司brand先驚佢唔好,因為通常公司brand都係量產;加上喺網上都睇到有啲對佢哋嘅負評,所以都好驚。後來上網再睇到啲人話佢啲相唔okay,完全唔掂,話佢哋公司冇話邊個專係影嘅,係Alex(個老細叫Alex)再搵其他同行去影,所以影出嚟個個婚禮都唔同風格,貨不對版咁,就越嚟越驚。我哋個婚禮都投資咗唔少落去,唔希望出嚟啲相岩岩巉巉,所以都諗吓仲有無其他方法。 之後到鄰近Big Day,個sales又走咗!但嗰時我哋錢已經比曬,就問老闆可唔可以淨係影屋企人,main嗰啲都係用翻Siu Ming Wedding,個老闆話咁樣okay,可以比我哋咁樣拆開用,淨翻啲錢就留返之後再影大肚或者new born。當時我哋話"因為Siu Ming佢係我哋好friend嘅,不嬲幫襯佢影開。之前佢話Big Day冇期,點知後來又安排到,所以又搵翻佢",用呢個理由佢哋先okay俾我哋咁安排。雖然最後都安排到,但個溝通過程好差,都要發吓爛渣先得咁。 Big Day嗰日有兩個攝影師,一個主一個副。佢哋三成影我哋,七成影其他,即係岳父岳母老爺奶奶同啲姊妹,又影下其他人。主嗰個攝影師負責影我奶奶,而副嗰個就影我媽咪,諗住比媽咪同佢啲朋友自己影吓相。因為主要嗰啲攝影師(包括另一邊嘅主攝影師)主要影group photo,或者派曬去其他地方影,所以諗住留幾個副攝影師係獨立跟住奶奶同媽咪佢哋影。但副嗰個唔係成日搵到我媽,好似唔係好認得咁,所以變咗跟我媽咪嗰個副攝影師唔係影咗好多相,冇跟奶奶嗰個咁貼,但主嗰個係okay嘅。攝影風格方面Alexander Hera係比較特別,因為出搵私人攝影通常可以話到比你聽影出嚟嘅風格係點樣,但Alexander Hera係話佢哋有幾種風格,但影你嘅風格係未知住嘅,要睇吓到時派到邊個攝影師比你。唔係隨住我鐘意邊個攝影師嘅風格所以揀佢,而係就算派到嚟嘅攝影師唔係影開你鐘意嘅風格,攝影師都可以跟你想要咩風格去後期tone翻你鐘意嘅感覺。好在啲相出嚟都正正常常,冇話好開心都冇話好失望,因為我哋對佢哋都無放好大期望,所以出嚟嘅效果都係可以接受嘅。

BigDay當日攝錄
更多優質選項
攝影
4.8
攝影
4
攝影
4.6
攝影
4.2
攝影
4
攝影
4.6
攝影
0
攝影
4.4
攝影
4.6
攝影
4.3
攝影
4.8
攝影
4.8
攝影
4.8
攝影
3.9
婚紗禮服/媽媽衫
4.7
婚禮化妝造型
0
最新優惠
聯絡商戶