Anovia
4.2
香港九龍尖沙咀金巴利道35號金巴利中心4樓
35794933
最新評論
整體滿意度
4.2
過濾評語:
cysang212
4
精選評論
服務 / 婚宴日期: 2018.02.10      
呢間D款多既,而且試衫過程都係順利,服務態度好,佢地真係base on你身材去揀款,著完會覺得你身材好正既。個staff叫阿雪,因為我唔高,佢會幫我諗埋我身高同想要既顏色。但係晚裝款比較少紅色,不過可能係唔啱我姐。


閱讀更多
婚紗禮服租借
Hmaurice
3.5
精選評論
服務 / 婚宴日期: 2017.01.21      
初時我哋上網睇,見佢啲design都覺得okay簡單,係我鍾意嗰啲高貴得嚟又係靚啲既款。而我咁啱又有個朋友識得嗰個老闆(叫張軍?定係張勇?),話幫到我攞到九折,因為佢哋都唔多會做discount,咁有九折都唔理由唔要既。見佢地既時候感覺都okay,都唔會係咁chur住你要你點點點,你問佢嘅都會答你,又未至於好hard sell嗰啲。

有個台灣人,好似係designer既人幫我哋,但佢可能係兩邊走嘅,負責幫呢度嗰啲裙,design啊或者入貨,而幫我哋試衫既時候都會俾啲advice我哋,啫係你講比佢聽我大約係鐘意咩款,佢就會比你試,佢都會話比你聽你啱唔啱啊或者有啲咩款你會著得好睇啲啊攞出黎比你揀囉。我自己揀咗幾個款去試,而佢最後都就攞左咁上下款既,都攞多幾條俾我試,後來我就我揀左件長袖嘅,A length,低胸款。

老實講最後攞件衫嘅時候我有少少失望嘅,因為去到唔知係咪好日子好多人結婚呢,你去pickup衫suppose會試架嘛,試完我覺得啲size唔係好岩嘅。我記得final fitting係臨wedding前兩個禮拜(定三個禮拜?)去試嘅,咁可能佢有啲新同事幫你度身,但我覺得佢度得唔準,咁所以我去fit嗰日個size係唔啱嘅,係窄得好犀利!因為都final fit左,我哋覺得唔啱,佢就就話幫你再改一改啦,咁佢微調得黎又調得好犀利。。。唉,所以我唔知中間係咪有啲乜嘢咩誤會喇。

其實當時佢final fit嗰陣,我發現都唔似係我第一次試嗰條嚟既,因為感覺舊啲,而嗰size係完全唔同既,感覺似係剛剛租過俾人。而攞翻黎佢哋都根本改唔切我嗰size就已經要俾我final fit,所以條裙真係係唔啱size嘅。好啦,試咗上身我都好擔心因為真係唔fit,但佢哋就同我講話「唔緊要,唔緊要,你結婚嗰日會就會啱size架啦」。。。另外我仲有條紅色裙同埋一條晚裝,嗰條晚裝size都係唔啱。過即日到攞衫喇,都再著嚟試吓啦,條紅色裙都仲係唔okay,咁我就話唔fit,跟住個女仔同我講話「會唔會係你趕住上嚟,身水身汗所以唔啱著啊!?」因為嗰個designer嗰時唔係度,我聽到佢咁講我真係唔知點回應喇。老實講,除非我呢個月突然肥咗姐,但係都唔會差咁多架嘛。跟住我就話「吓,咁真係唔得喎,真係唔okay喎。。。」跟住designer就出嚟喇,咁我就同佢講,我話條裙唔得,著得我好唔舒服,咁佢就幫我呢條紅色裙改鬆一吋。。。好啦,跟住就到另外嗰條晚裝。

條晚裝佢話佢有幫我改,但我覺得佢改完之後問題仲大,結婚嗰晚feel到條裙一直向下跌!但記得fitting嗰時唔係咁既,係好fit,係啱啱好既,記得我扭來扭去條裙都唔會跣落去。真係奇怪,明明款係一樣嘅,記得試婚紗嗰日,未比訂,我同我阿媽同阿妹去,大家都覺得條裙好靚好新淨,但我去攞裙嗰日我覺得都唔係我試裙嗰日條裙囉,啲紗感覺無咁靚,都睇得出係同一款不過殘啲。好老實講,當時都覺得聽日都結婚,都無謂嘈啦,就係希望佢改翻啱。。。後來紅色嗰條裙佢立刻改返啱,條裙真係係著得好靚嘅,但反而另一條晚裝就係咁跣,著得唔好睇,咁就我著咗一陣就算喇,而其實條婚紗都係唔啱。。。

還衫嗰時一上到去趕住攞翻啲衫,然後又趕住叫你走,都唔諗住問你點,真係「點啊?」一句問候都冇講。

總結嚟講,我覺得度size嗰度佢哋可以度準少少,因為係真係好唔準。老實講,體重真係唔會差咁遠㗎嘛,同埋點會話我出汗令到條裙著唔啱㗎?!反而仲將嗰責任推俾我嗰吓真係好un耳,咁點解你唔可以話你度個size唔啱而會係我嘅問題呢?!聽落真係有啲唔舒服囉!而條裙唔fit,已經好唔舒服,跟住仲發現著到我背脊紅曬,因為真係好緊!就算幫我改咗都係好緊!真係見到背脊有條痕。
閱讀更多
婚紗禮服租借
最新優惠
聯絡商戶