我想搵 D elegant 同適合亞洲人身型嘅婚紗，同埋本身比較瘦同埋細粒，所以係好難搵，就算用一啲貴嘅婚紗公司都未必做到我要求，好難搵到岩。咁Anovia D裙係根據亞洲人嘅身材去設計，同埋佢有一個好大嘅特點，就係一般婚紗店都會係sales去介紹婚紗，但佢地係由manager同埋designer親自去介紹，變左可以針對到我嘅需要同埋身型去搵到真係適合我嘅婚紗。我本身除左瘦，仲有少少脊柱側彎嘅問題，有啲腰骨嘅毛病，佢地好細心咁幫我去fix條裙，做返啲腰部嘅平衡，令到我可以著得好靚。 款式都有好多選擇，好容易揀到，最後我唔單止婚紗，連所有禮服都係佢地度租。佢地真係好針對到我身型同埋我想要嘅款式去幫我揀，其實我唔係試左好多條，就已經揀到我好鍾意嘅。fitting上都ok, 我對佢地各方面服務都好滿意！☺️

其實我第一次上到去Anovia，已經決定要搵佢地，因為佢地D衫一攞出嚟，我就已經覺得好靚好靚！D款全部都係好有型有格，同埋有好多款揀。我一試件婚紗，直情差D喊出嚟！之後我將D相放上Facebook，有D好耐無見嘅朋友都特登whatsapp問我D裙喺邊度租，佢係話佢其實已經訂咗衫，但係覺得我嗰條真係好靚，想再訂多條！Anovia啲裙真係好超級靚！

佢地舖頭環境雖然唔算話好大，但係都係舒服。同埋我覺得佢地服務好細心，佢地攞裙俾我嗰時會幫我著得靚D，睇到最好嘅效果，好貼心。而且佢地租衫個flexibility都好高，多數租衫都係俾3日時間，但我早一日去fitting，佢都可以就到我時間。我知有D其他舖頭會好死板，早一日又要加錢或者要點，但係佢地都無～