我地都比較多圍數，有成31圍，所以都要搵大嘅地方，同埋因為個陣我地有機會仲要加圍數，行婚展時見彩福肯俾我地轉一次場地，所以最後就揀左尼到。佢地場地仲係岩岩新裝修完，係新style，有哂啲景同埋擺設，又包哂酒水，所以都好方便。而且最主要都係佢地價錢好合理，除咗唔使deco又包酒水，仲會有其他優惠俾我地，例如係包埋MC、2程shuttle同埋自拍機個啲。 服務方面佢地前線staff都好好，好熟手，又會教我地斟茶或影相嗰時啲手要點擺，連啲賓客都有讚佢地。佢地又會好主動幫手，到夜晚11點半我地已經可以清好場走得。反而啲經理級staff就無咁好，我地唔同時段會播唔同音樂，之前都俾哂經理，但佢就唔夠細心，無跟返唔同folder咁play，所以中間有啲出錯，不過兄弟去跟一跟都ok。場地除咗新同靚，新娘房都好大，又有toilet，五六個人係入面都唔會焗促，同埋出面我地擺31圍都唔迫，而且無柱位，亦都有好多mon，俾我地keep住播啲相同片，器材方面好好。食物都好好，我地都無諗過尼個價錢可以有咁好嘅質素！