有一次我哋行街經過葵芳周大褔，見到間舖設計都幾特別，就入去睇吓啲對戒。我哋睇落裡面啲staff都比較後生，走年青路線，啲款都比較適合年青人。我哋一路睇一路同個sales傾計，先知原來間舖係同一個咖啡品牌cross over，佢仲問我哋飲唔飲咖啡，好有趣！我哋睇落佢哋啲款都唔老套，不過都想睇多啲其他品牌先下決定，所以前前後後去咗2-3次，個sales都認得我哋。其實我好快就睇中咗一隻，反而我先生就睇咗幾隻都唔係好啱，個sales好似唔係太聽得出我先生想要啲咩，或者真係要儲多啲經驗。不過我哋最後都係覺得佢哋啲款比較young啱我哋，同埋售後服務例如想改SIZE或者洗戒指都容易啲，所以都喺度買咗對戒。因為本身嗰個款就有唔同size造好咗，所以都好快有貨。

我哋喺旺角雅蘭中心嗰間周大福買結婚戒指，我哋嗰日行咗成條街，睇咗好多唔同牌子。而入到去周大福都唔駛點揀，一睇就搵到心儀既款！當日個服務員好健談，亦無話亂咁隊嘢俾我哋睇，迫我哋睇埋。 因為周大福係老字號，所以應該會比較老實，再加上我唔係好鍾意啲日本牌子，硬係覺得結婚戒指唔需要太誇張，只要大家鍾意，價錢又合理就okay啦！