之前睇咗好多間酒店，唯獨Courtyard by Marriott Hong Kong 性價比係比較高，minimum charge唔太貴，廿幾萬就得😁佢哋個場地好好，無柱，樓底好高，個景好似紅磡海逸，但價錢只需要一半左右多啲，可能因為地區問題。佢哋最好嘅地方係每一日只會serve一對新人，婚禮當日全層都係屬於我哋，同有一條樓梯可以畀我哋自己做佈置，唔需要同其他新人爭地方😛不過佢哋枱花嘅選擇比較少，冇得揀😖 我問過其他酒店有得揀顏色，但Courtyard by Marriott 枱花嘅顏色比較深沉，係老人家唔太鍾意嘅色，我有問過佢哋可唔可以轉，但佢哋話唔得... 咁佢哋畀咗promotion我，唔需要去婚展先至有！去接觸佢當日佢哋已經試左菜，又介紹咗decoration嘅公司畀我哋，跟得好足！

我係喺沙田Courtyard Marriott擺酒，揀佢都係因為位置方便﹑集團式經營同埋價錢相宜。價錢方面每圍只係$7850，成個package已經包哂酒水連埋餐前小食，仲送兩晚套房同埋花車。 佢銷售嘅時候係非常之好，有兩位同事，一位係sales (Kate)，一位係負責跟成個event (Rika)，我問佢咩佢都會盡力跟又好細心，令到當日成個流程都好順利。 場地環境方面都非常好，我屋企人都好滿意，但係大堂就比較暗，我哋都request過佢開燈，原來係因為環保理由唔開燈。食物方面都係非常好，好value for money。交通方面都唔係好大問題，我哋自己都安排咗旅遊巴接送啲賓客。