喺Crowne Plaza擺酒係我老公揀嘅，因為我想行西式證婚，而佢就想要中式擺酒，咁Crowne Plaza就可以一次過搞晒，對比咗其他間嘅價錢都差唔多，但呢間近男女家，所以最後就揀咗佢哋啦。因為我哋係無請wedding planner嘅，我就要逐part自己搞，為咗方便溝通我老公就開咗個whatsapp group，因為每次send email會比較麻煩，喺whatsapp傾就會比較快手啲啦。

我11月2結婚，咁10月中就俾第二期嘅deposit，佢哋都俾咗個十版紙嘅流程我哋睇，逐版嚟同我哋解釋。幫我哋安排嘅staff Rita都好細心，有啲我無諗過佢都幫我諗好晒，譬如簽名簿嗰啲，佢都會提返我。就覺得都好好彩係喺酒店擺，因為佢哋會幫我諗好成個流程，用佢哋嘅經驗提返我要做啲咩😊。譬如有啲賓客係食齋嘅，其實我都無諗過食齋嘅人係唔食得蛋啊嗰啲，佢哋都會叫我留意返呢啲細微位，提返啲親戚。我哋係朝早接新娘就喺樓上套房嗰度出門，完咗之後就去平台行禮啦，行完禮之後去返二樓食個中餐午宴就完啦。我行完禮之後要去中餐嗰度嘅新娘房，但其實嗰度原本唔係新娘房，佢哋係一間大房，入面無鏡嘅，得一張大嘅擺酒嗰啲圓檯，側面有啲凳咁。我就要喺嗰度換衫，但係其實好唔方便😣，因為物資都係擺喺嗰度，啲兄弟就會入去攞嘢，好多人出出入入，咁我就要好避忌，叫啲姐妹幫我睇住，化妝師助手都坐定定喺度幫我哋開門閂門。因為時間好緊迫，要換衫就拿拿聲換，化妝師又幫我set頭，都唔理得咁多。好彩佢哋安排咗個女職員係專門serve新娘子嘅，會跟出跟入幫手拎住裙尾，話俾我聽邊度係洗手間咁，佢都好幫得手，好貼心，會提我行路唔好踩到裙，全程都帶住我行🥰。

因為我嗰日係完全唔知發生咩事嘅，就算之前計劃好晒知道去邊個出口，都要有個姐姐跟住先知自己做緊咩。同埋Rita都好正能量，因為嗰排成日落雨，我好擔心我條裙喺草地行禮嗰度會整濕，佢都會同我講唔洗驚，萬一真係落雨佢哋都會即刻幫我哋鋪返個帳幕。嗰日朝早到lunch都見唔到Rita嘅，係去到行禮佢就企定定喺門口睇住我，我就同爸爸行禮進場。嗰日嘅流程都好緊迫，就係嗰陣開始就有個姐姐跟住我。之後中餐進場Rita又會出返嚟，啲緊要時刻佢都會嚟幫手睇住，提我哋幾時要入去。Rita有樣嘢都好好，因為我book多咗間房，check out咗套房再check in新嗰間房，唔知係咪溝通嘅問題，酒店嗰邊就俾咗間twin bed我哋，好奇怪🙈。我哋擺完酒先上房嘅，兄弟嗰陣攞咗鎖匙，三點幾上去擺物資見到咁都即刻同我哋講。我都即時影返張相，send上個whatsapp group同Rita講，Rita都即刻幫我哋去安排。但因為都要等啲兄弟搬晒啲物資去新嗰間房，最後陸陸續續成個鐘先搞掂，我哋都喺度等。之後我又要換另一條婚紗出去同個攝影師去海傍影相，嗰度都用咗啲時間，唔係就可以快手啲😖。好彩啲staff都有幫手搬，最後都趕得切，因為攝影師係book咗時間俾咗錢嘅，想臨尾同兄弟姊妹影相留念返。不過以後如果有新人都係咁樣check in check out，酒店嗰度就要留意返要俾返double bed佢哋啦。

仲有一樣有少少不足嘅就係斟茶嗰度，我換咗中式嘅裙之後，都無人提我哋斟茶，係我姑媽同我阿妹講嗰下先醒起，因為我姑媽買咗金器，佢都無預先講佢買咗，係去到嗰日先托人同我父母講，咁我哋就應該要斟茶嘅。我嗰刻都有諗過但無預過嘅，因為朝早同爸爸媽媽斟晒，一時無人提都唔記得。我哋就要同酒樓經理講返，叫佢哋斟返啲茶。嗰下都好趕，女家要再斟五個，男家差唔多有十個，咁就佔用咗敬酒同影相嘅時間。如果嗰陣酒店可以早十分鐘提我哋都好好多，咁大家都可以stand by企喺度，會快手好多。因為攝影師見到金器要影張，我遞俾姑媽要影張，我老公遞俾姑媽又要影張，一個親戚都差唔多要影十張相。之後夜晚我哋同啲朋友去party room，姊妹仲有同我講返食南瓜羹嘅時候好似食到個香口膠，都有少少嚇親，不過總體嚟講啲嘢食嘅味道係幾好嘅。我都已經介紹咗Crowne Plaza俾我其中一個姊妹啦，佢咁啱都住將軍澳，喺婚展嗰陣都有特登去佢哋嗰度了解下。同埋佢覺得當日嘅流程幾好，啲嘢又好食，好少酒店嘅中餐咁好食，我奶奶係食家嚟，佢都開口讚當日啲嘢好食，真係無得輸啦👍🏻。我覺得鍾意簡單啲，後生啲嘅新人就會適合Crowne Plaza啦，最好係住將軍澳，因為我七成嘅屋企人同朋友都住將軍澳，就好方便。我哋都好滿意，老爺奶奶都無投訴，因為男家好多大陸親戚，女家會比較少親戚，老爺要面又要啲嘢好食，奶奶坐低食第一啖都讚啲嘢好食，最終都滿足到佢哋，所以好開心啦😆。

我地一開頭搵都係想搵一個係個location方便D親戚朋友尼喇，想近返D地鐵站呀，或者係易D去到嘅地方。佢地既staff 好professional，我地去睇場嗰日係for wedding嘅open day ，去到佢係有set到D枱呀，banquet咁嘅形式。我望落去都係舒服，所以我地係當場直情落埋訂😎我地落左訂之後都有keep contact，佢地都會問我地每一樣detail。我地係揀日子方面都有小小頭痕😩因為原本係諗住2019年年尾結婚，但係我地睇番D日子，禮拜六日都好似麻麻地。我地每一次打去問同佢邊日個ballroom available，開頭佢都幾耐心嘅，但係去到第三四次，就有D感覺開始有少少唔耐煩。咁呢樣野我地都明白，因為係我地未揀定個日子。我地一開頭都有問佢，如果個日子定左，有無機會可以轉到，佢地都話so far唔會有exceptional可以改日子架喇，unless屋企有白色或者係喜事咁就可以。我地個陣聽到都覺得ok，因為覺得唔會話fix左就無論咩事都改唔到。都聽過出面有D係無論咩事轉日子都要加錢！跟住後尾就發現我有左bb，由本身定2019年11月要bring forward左去2019年1月，同係擺晏晝。我10月尾就同佢地講，provide左pregnancy proof 俾佢地，佢地俾我地改日子，無additional charge, 同跟返2019年2月之前個收費, 係平少少嘅價錢，which is我覺得係好acceptable👌🏽 我老公講返話因為我地係自己買酒嘅，佢地waitress第一下就將D紅酒倒到好滿好滿，加上我地無諗過會咁多人飲酒喇加上，所以最後唔夠酒飲，變左我地最好要買第二轉紅酒，咁大家都有責任🤔 食物方面呢，我都無咩時間同埋閒情去食喇...酒店送左個五磅嘅忌廉蛋糕，我食左都覺得幾好食😋至於其他野食，最尾酒店都有幫我pack上房比我地兩公婆食，嗰個海皇羹就真係好好食👏🏻！我有同事都comment話個海皇羮好食，其他comment對野食黎講都係positive。 我記得嗰日我有一個bridal assistant，我就真係好想讚下佢，佢係一個好後生嘅女仔黎，一定係炒散架喇。我有問佢係咪炒散，佢都話係。咁佢都好好...我地有去到個花園度影相，跟住佢都直情無避雨咁幫我整好條裙呀各樣野，我覺得係好pro嘅。同因為嗰日我又大住個肚，有人幫下呢D野其實係一個plus黎，令我都舒服左。我同佢傾左幾句計，都覺得佢係幾好嘅！