將軍澳皇冠假日酒店個場靚，樓底好高，價錢又好❤️！跟我嘅職員叫Annie，service都好好，係啱啱新入職。佢好有heart💖，搞得好妥當，完全唔需要我好費心～佢由頭到尾跟得好足，好多時我地都有email同電話來往😝。結婚當日佢都喺到，比咗好多意見，又幫我聯絡live band等等，我感覺到佢好用心做😚

婚禮前一晚我瞓酒店第二日用嚟出門間房，婚禮後覺得好攰又book多咗一晚訓，我同Annie講聲，喺出門房check out後，佢就幫我搞掂晒啲嘢，將唔同嘅雜物搬去唔同地方💪🏽💪🏽出門房好大，但好奇怪入面係無化妝檯🤔，要用廁所照鏡、化妝，係一個敗筆。不過好彩廁所夠大，可以喺床頭拉線入去廁所set頭。雖然我婚禮當日無機會食到野，但我book前已經係呢間酒店飲過三次，知道食物好食我先book，賓客都好滿意食物😋😋

我地揀Crowne Plaza一個好主要嘅原因係近😜，因為男家同女家都係住將軍澳區。而且我地都預計到Big Day當日都會好攰，同埋可能會有甩漏，咁去近啲就算漏咗野，返屋企攞都唔算遠，都會方便D。第二個主因就係我之前其他朋友都喺Crowne Plaza擺過酒，我食過佢地D嘢，個impression都幾滿意，同埋D嘢都幾好食。當然我地都有再比較下其他，但係屋企人都想我地喺酒店擺，九龍區其實就真係唔係太多選擇。亦都可能係我地遲咗D開始問場地，港島都唔算話有好多價錢都ok嘅酒店有位。

我地係12月23擺酒，而我大概1月左右就send email問，因為我地都唔想去婚展到度問，覺得去到婚展一定會有好多人sell你，所以我就漁翁撒網咁send，佢地都覆得好快。我地好快約咗出嚟開第一次會，我就帶埋一對結咗婚嘅朋友四個人一齊去，佢都解答到哂我D問題，同埋俾到信心我地，D答案都係好comprehensive，所以就決定咗喺Crowne Plaza度擺。

Big day當日，我地本身係book埋下晝戶外證婚，點知好唔好彩嗰日就落雨......早上佢已經打俾我問會唔會擺室內，又幫我聯絡哂decoration，好快settle到，最後都係做得好好。不過如果佢地可以早D講埋個contingency plan俾我地聽就更好，因為嗰朝早我地收完電話真係成朝都好驚，唔知會安排成點。另外，因為本身我都鍾意飲酒，就無要到candy corner，自己搵咗個vendor整咗個cocktail corner🍸🍷。個cocktail corner要有架車運入去ballroom，我都知佢地係無試過咁安排，都有D破例咁幫我地，所以我地都好滿意～至於D嘢食，客人都滿意👍🏻。