國金軒
Cuisine Cuisine
3.5
香港中環港景街1號國際金融中心商場二期3樓3101-3107號舖
2315 5428/ 2393 3933
最新評論
整體滿意度
3.5
過濾評語:
simpsonng
3.5
精選評論
服務 / 婚宴日期: 2014.12.27      
其實佢地開頭係好好既,唯獨是嗰度啲人唔係好夠經驗去做婚禮。 其實我當初都無諗住擺酒既,但係我老公就remind我怕我如果真係唔擺酒既話以後會唔會後悔呢?咁其實我都唔係話好有要求話要點靚點好,最重要係實際,而我都知道我哋爹地媽咪都其實無所謂,但係始終如果有得擺酒既話佢哋都會開心啲。其實我哋父母都好就我哋,如果我哋想細搞就…

其實佢地開頭係好好既,唯獨是嗰度啲人唔係好夠經驗去做婚禮。 其實我當初都無諗住擺酒既,但係我老公就remind我怕我如果真係唔擺酒既話以後會唔會後悔呢?咁其實我都唔係話好有要求話要點靚點好,最重要係實際,而我都知道我哋爹地媽咪都其實無所謂,但係始終如果有得擺酒既話佢哋都會開心啲。其實我哋父母都好就我哋,如果我哋想細搞就只會請最親嗰啲,然後就再加三圍我哋打波既朋友就都夠,都無話一定要大搞,總之就係我哋俾幾多圍佢哋,佢哋就跟住嚟請人嚟。到後來我哋都只係擺咗十圍最close既朋友,咁起碼我哋後期要reconfirm或者係安排座位都容易啲。 上網都見有人都post咗國金軒啲相而自己都去食過飯覺得啲嘢都幾好食,咁我哋就決定自己去國金軒到睇吓個場。去到嗰日咁啱佢哋响灣仔擺婚紗展,咁同事就帶咗我行吓睇吓,但係傾到價錢就叫我打去俾一個叫Patrick既sales manager,因為Patrick佢去咗灣仔擺展。咁同佢傾過都話其實我唔去婚展都可以俾返婚展既優惠我哋,package平啲得嚟啲酒水又有7折,但係問完價錢扣晒所有discount佢地都同Shangri-La差唔多價錢,都差唔多要成$18,000 一圍。其實我哋都問過Shangri-La,如果我哋係俾咁既價錢佢哋都只不過會俾一個好細而樓底又好矮既function room我哋,但係相對國金軒,如果我俾同一個價錢擺十圍的話佢哋就會俾個大啲既廳我,起碼都算有啲活動空間。講到底我都唔係真係話太介意唔擺酒店,總之就覺得如果國金軒個場okay靚而啲食物又好食的話我哋都okay。 開頭傾價錢同package嗰啲嘢就搵Patrick,但係到後來就同一個女仔叫Pinky跟。而搵到Pinky都幾迂迴,事關我哋試菜嗰日就係呢位Pinky負責serve我哋,佢當日好醒目服務好好,咁我哋就同Patrick講話希望Pinky可以响我哋當晚當值幫我哋打點啲嘢。我個人就覺得阿Patrick係難溝通啲,而我同Pinky就夾啲,比較明我想點,所以我到後期都係搵Pinky幫我打點當晚啲流程,例如傾run down,座位點擺同埋安排時間去試吓播片啲器材。Pinky真係好好,因為佢直頭係用佢私人電話嚟add我whatapp方便我隨時搵到佢,見佢做嘢都好盡心盡力。 問題亦都係出現响呢到。Pinky同我提到當晚會有一個舊同事返嚟炒散幫我哋播片搞音響嗰啲嘢,又同我哋講佢好叻好有經驗,而我哋婚宴就正正出事响呢到。其實宜家問我都唔知點解會搞成咁,話說當晚我哋臨進場既時候係會播我哋成長片段條片,咁當晚一播片就“戟”晒,一路係咁疾吓疾吓咁播,一時黑晒一時無聲!我都真係唔明,我哋明明就係先前已經試過晒係播到既,點知當晚播就唔得!後尾問返佢哋,佢哋俾我既解釋就話係「漏電」!!咁好啦,以為佢哋會即刻搞掂等我哋跟住播早拍晚播既時候會okay啦,點知出嚟都又係疾既! 另外就係spotlight。支燈都唔知射邊到既,都唔係好識得對住我哋,都唔知射咗去邊!? 仲有就係我哋都有準備當晚播啲音樂而安排我妹妹同伴娘負責同AV既同事夾。當晚其實都覺得怪怪哋因為有時聽聽吓隻歌會突然跳去播另一隻歌。後來我妹妹同我講就話嗰個AV同事根本連playlist點樣set都唔識,佢哋原來係用人手逐隻歌轉既!又例如我哋敬酒係會播啲特別喜慶既敬酒歌一路行既,但當我哋都已經敬晒行晒都坐返低隻歌都仲响到播緊。咁好啦,我妹妹就行去問AV同事點解仲唔停啦,嗰個同事就覆佢話你哋無出聲話停係唔會聽架!真係要專登講話停先識停!都真係唔知佢搞咩! To be fair, 佢哋其他既同事都真係好好既,見我哋口渴會俾水我哋飲,見有需要又會俾凳我哋坐,都有幾個人standby响側邊幫我哋,都好細心。講到底都真係AV嗰環比較差啲。 到最後去到埋單我哋都有complaint,Patrick就唔响到而得Pinky同佢個上司在場,事關為咗試片我哋係特登抽時間嚟咗兩次,試幾次都可以搞到咁,而我就話你哋收得我呢個價錢點會俾啲咁既質素既嘢我架?佢哋都同我哋道晒歉,但係件事搞到咁佢哋都無主動話會作出任何補償。咁到後來都要我自己提出話我哋應得既質素我哋無得到,所以都希望可以有返補償要求一個discount。佢哋其實都係話唔到事要打去俾Patrick問,到最後都肯減返10%俾我哋。 其實都好無奈,始終係happen咗無得返轉頭,而都知道佢哋無心而態度都係okay既,最後佢哋都有減少少錢都唯有算喇。

聯絡資料
2315 5428/ 2393 3933
cuisinecuisine@themirahotel
最新優惠
聯絡商戶