我先生之前去公司function嘅時候去過Eaton，幾鐘意佢地個場，所以一早就諗住係呢到搞，但就係expo先confirm。之前sell我地果位冇記錯嘅話叫Fioni，一路以黎都follow得好好。 其實我地好鐘意Eaton個場，佢個價以酒店黎講性價比幾高，好似以2014年個價位黎睇，我地擺最貴果款都只係9000幾蚊一圍。而且個場地幾靚，有樓梯，台個位置好grand，樓底都好高。音響配合方面亦都好好，全晚冇甩轆。當日跟住新娘嘅姐姐好盡責，又非常細心，知道新娘長時間著住高踭鞋會企得好攰，當我一影完相就會即刻搬張凳出黎俾我坐。 不過因為Eaton冇停車場，所以最多只可以offer兩個車位，有少少唔方便。