一開頭就係喺Facebook無意中見到Foi Wedding，我自己就中意啲簡單啲婚紗，望上去係簡約同高貴嘅，自己對婚紗都有一定嘅要求。而Foi Wedding係我第二間上去睇嘅公司嚟，其實都好開心😆，第二間公司就搵到自己想要嘅款式，所以就決定去join big day plan喇。老實講上去之前就無乜點睇comment嘅，始終你知好定唔好呢啲嘢其實好個人化，我真係有見到少少唔好嘅comment，但我都覺得唔可以作準，決定俾個機會佢哋，所以我就約咗時間上去試。上到去係Sally負責嘅，咁佢完全唔hard sell嘅👍🏻，我就大約同佢講我想試邊啲款，佢就拎咗部iPad比我睇咗啲相再去試，順便問吓我有無啲咩品牌嘅婚紗想試咁，咁我自己都係focus落娟，佢都好誠實咁同我講有咩款未有得試住, 然後幫我搵返啲相類似嘅上身試，又會就我嘅身型俾啲建議我，佢哋係專業嘅，睇人著婚紗嘅次數點都多過我哋，所以可以講到比我聽咩款式可以遮到邊部分嘅肉。我仲記得去到臨尾拎衫嗰陣，佢哋會好細心咁去執多啲腰位臂位，令到件衫好似真係我件衫咁fit，完全同我想像中佢哋會大概修下就算嘅態度唔同！👍🏻同埋佢哋喺試衫嘅時間會俾都好多信心比我哋，上到去你知咁多款都會花多眼亂，佢會好俾心機咁去解釋啲款邊啲啱我邊啲唔啱我，又會同我分析下邊啲款會比較受歡迎，幫我慳返好多時間唔洗走啲冤枉路。我第一次上去就可以試三件，咁如果再試多啲就逐件加錢啦，但如果之後join package就可以redeem返啲試衫錢，咁所以前前後後計埋free trial我都試咗五至六件咁上下，本身諗住揀兩條for big day，但之後就覺得有條裙真係好靚，所以就租多條for pre-wedding，所以我總共租咗四條，咁大概萬八蚊左右喇，都接受到。要同佢哋啲staff溝通都好好，約時間改時間都好就得我，同埋上到去唔會好趕時間，呢排都熱，佢會俾啲時間我哋去休息吓先開始試，上到去場地都ok嘅，同埋都唔會好多人喺度試，款式都好多，質素都好ok好新，著上身都好舒服，最重要就係佢哋啲款都update得好快，所以我都會間唔中上去睇新款，佢哋都好樂意去幫我轉款呀嗰啲咁。著出去outdoor pre-wedding嘅衫就算整污糟佢哋都唔會額外收service fee嘅，同埋都比咗好多喺外出影嘅時候嘅一啲tips，都真係好helpful!! 但我覺得有個位有少少可惜，就係佢哋敬酒、晚裝嘅款就相對較少，因為我自己係想一間公司搞掂哂，呢個位就對我嚟講有少少失色，但最尾我都喺佢哋嗰度揀咗嘅，整體嚟講都滿意嘅！😆👍🏻

朋友介紹Foi Wedding，我都有睇過佢哋嘅相，之後上咗佢哋門市睇款式，選擇都幾多。我覺得佢哋同其他婚紗舖最唔同嘅地方係Final fit會有兩次，第一次會先幫我度身，最後一次拎衫時會再畀我試多次。我睇中佢哋其中一個代理嘅牌子，款式好靚！佢哋舖頭唔會好逼，試身時亦會幫我影相，佢哋嘅職員好細心，會確保件衫係完全啱身先收貨。我試嗰件婚紗個pad唔係咁啱，佢哋都有幫我換埋，唔會求其處理！😚我有話過覺得件衫deep v太deep，佢哋都肯幫我縫返個位，令到佢無咁deep👍🏻 佢哋嘅意見好好，會教我點樣修飾副乳，low cut點樣著得好睇啲。最值得讚係佢哋會好用心幫我試件婚紗試到啱為止！不過我媽咪喺呢邊租埋晚裝，選擇就無咁多，可能佢哋唔係主力做呢個年齡層嘅顧客。第一次試身其中一個員工度身就唔係咁仔細，我有提出過婚紗胸嘅位置唔係咁fit，但可能佢經驗唔夠，當時佢冇解決到呢個問題，到我第二次上去試身，另一位同事先幫我處理番個問題，換咗個pad感覺無咁怪！佢哋長期有一個改衫嘅師傅喺度駐守，有咩地方需要改可以即時叫裁縫出嚟睇睇，呢樣嘢好好，件衫一定會好fit！