我朋友介紹黃埔Habour Grand俾我，加上好多人都話環境好靚，於時就去咗睇下。我喺直接去酒店，當時接待嘅Elly好殷勤同埋不厭其煩，所以感覺都幾好。本身我仲睇埋喺港島嘅另一間Habour Grand，雖然黃埔呢間貴啲，但因為條樓梯好靚，所以都喺決定喺黃埔擺。 傾嗰陣本身我哋已經諗咗啲條件，但我哋都未講，Elly已經主動俾咗好多優惠俾我，又幫我拎咗個平啲嘅價錢，一早猜想到客人諗咩。佢幫我問manager fight咗好抵嘅價，又幫我mark定日子同waive咗好多費用，所以好有信心俾Elly搞。佢講過話因為結過婚，所以會用返新人嘅角度諗嘢，又用一個過來人嘅身份幫手，唔會覺得因為我哋喺客而用一個賺多啲口嘅態度。不過我覺得貴咗少少，因為呢個價錢可以幫襯尖沙咀貴價五星酒店，估唔到黃埔都要呢個價，同返人講都喺覺得偏貴。 嗰日有個manager會貼身睇咗我哋，又會幫我控制時間同人流，特別喺影相安排。佢又不時提醒我幾時要開始ready同入場，出場嗰陣會提醒我燈光會好燦眼，叫我唔洗驚睇唔到路，因為會有人帶住我。好多detail位都跟得好熟，例如叫我cheers嗰陣用右手揸杯，影相就會自然好多，又唔會檔住鏡頭。因為佢哋見得多新人擺酒，所以知道好多貼士，對我嚟講其實好重要！有時有啲小事想佢幫手叫伴娘，佢就主動睇sitting plan幫我手問，好似personal assistant咁。另外都有女仔跟住我，幫我手擺好嘅裙。 紅酒白酒都喺我自己帶嘅，佢就包汽水嗰啲。另外佢亦包咗一晚酒店房，間房好靚同好大，承諾嘅海景房亦俾到我。