紅磡都會海逸個場地望落容納到80人，但係實際上有啲逼。我地big day當日既下午去左佢地20樓露台影相，雖然好曬但係影出黎真係好靚👍🏼。我地係舉行cocktail party, 野食質素一般。其實我地都無期望野食會好好味，但係收返朋友feedback真係只有一兩款小食係比較好食。菜單望落好高級好豐富，但係我寧願菜式普通啲但係整得好食啲🤭。同埋唔加錢既話就只有水同橙汁提供。時間上係1-6pm, 如果比較多親戚，影相較慢的話其實好趕。🤔

我compare過好多場地，比較過之後又啱budget嘅就係都會海逸喇。最初諗住揀佢哋北角嘅分店，但係嗰間分店我想要嘅廳太大，所以就揀咗紅磡呢間。🙂 雖然主要serve我嘅經理鄺小姐係okay嘅，但係佢唔係成日係度，其他人就麻麻哋。😕 同埋佢哋嘅嘢confirm得好忟，我結婚前兩日佢哋先同我final confirm啲嘢，我覺得如果係早一個星期會好啲。我都知佢哋係好忙嘅，但係只係早兩日嘅話，咁如果我要轉啲嘢，變相咪即係搵自己麻煩？可能對其他新人嚟講係just in time, 但係對我嚟講就真係太遲喇。😥但係嘢食方面係好好嘅，我哋啲親戚朋友都讚好。👍🏼