聘珍樓 (觀塘店)
Hei Chin Rou (Millennium City)
5
最新評語
整體滿意度
5
過濾評語:
cchan123
5
精選評論
服務 / 婚宴日期: 2016.03.13      
一開始搵場地嘅時候我都睇過酒店,不過我覺得酒店場都好Standardize,好formal,唔係我想要有少少theme嘅感覺。而且酒店一係就好貴,一係就俾間好似conference room感覺嘅房你,感覺好普通。我覺得搞婚禮係要有啲gimmick,所以最後就揀咗觀塘聘珍樓,因為佢哋個場好中式,細細地但無柱位。反正我又…
一開始搵場地嘅時候我都睇過酒店,不過我覺得酒店場都好Standardize,好formal,唔係我想要有少少theme嘅感覺。而且酒店一係就好貴,一係就俾間好似conference room感覺嘅房你,感覺好普通。我覺得搞婚禮係要有啲gimmick,所以最後就揀咗觀塘聘珍樓,因為佢哋個場好中式,細細地但無柱位。反正我又唔係諗住擺好多圍,所以都啱啱好。不過雖然我係喺聘珍樓附近返工,但嗰時我都無諗過搵呢個場地,係後來見我有個朋友啲結婚相,套褂同成個場都襯得好好睇,就inspire咗我做一個中式嘅婚禮。我都好慶幸搵到聘珍樓,而且係觀塘嗰間先咁靚。 我大約一年前直接上去問同落訂,由俾訂到big day中間嘅時間都無乜聯絡,但係上去同佢哋傾嘢時佢哋好多細節都有提我,而且仲同我講當晚有專人現場彈鋼琴。之後訂嘅每張枱又有榮華或聖安娜禮券送返俾我,又有啲小禮物俾賓客都係包埋,我覺得真係好滿意。份小禮物係一小盒印咗我哋名嘅老婆餅嚟,我覺得好有心思,而且睇落一啲都唔失禮。經理莫生係好老實嘅人,其他啲staff都好好,俾我哋嘅單張亦已經好清楚list晒包啲咩同咩價錢,令我感覺係一間又老實嘅酒樓。 而場地佈置公司係聘珍樓用開,所以用返佢個價錢都好抵,decorate晒成個場都係收我4位數字。雖然間設計公司平時做啲嘢感覺都土土地,不過如果俾咗啲guidelines佢哋去做都出到好好嘅效果。我成個場地都係中式佈置,我覺得好靚同好滿意! Big day當晚,我覺得整體都好OK。之前同佢哋夾咗時間播碟,音樂燈光各方面都符合我要求,又無甩漏。服務方面都OK,無賓客投訴。由於我唔使好多時間換衫化妝,所以都有時間食嘢同埋同啲賓客傾計影相,我覺得佢哋嘅食物質素都好好,味道同溫度方面都好OK。當晚賓客反應都好好,因為個場唔大,而且我全部請朋友,大家都覺得係一個好熱鬧嘅婚禮。我自己都好滿意,因為我覺得好氣氛係最難得。 最後埋單都明碼實價,係好誠實嘅商戶。我覺得佢係好高水準嘅酒樓,之前去過譽宴就覺得服務都比唔上呢度咁好。我真係覺得呢個場地好值得推介!不過個場真係好中式,要想做中式theme先啱。
聯絡資料
mc6@heichinrou.com
更多優質選項
攝影
4.8
婚禮及婚宴場地
4.2
婚禮及婚宴場地
4.5
婚紗禮服
4.4
婚禮及婚宴場地
0
攝影
0
婚禮及婚宴場地
0
場地佈置及花球
0
司儀及表演
0
婚紗禮服
4
婚禮及婚宴場地
0
證婚服務
4
司儀及表演
5
囍帖設計
4
婚禮食品
3.5
場地佈置及花球
5
最新優惠
聯絡商戶