一直同我溝通嘅sale同事係Annie Chu，佢真係好nice又好細心！好似我本身諗住喺outdoor行禮既，但因為舉行婚禮時係夏天，Annie就幫我考慮埋天氣，建議我揀indoor，因為咁就可以避開日曬雨淋的情況。佢真係會考慮曬我嘅needs之後再俾solution我！ 我行禮同dinner都係迪士尼度搞，佢哋真係幫我喺個flow上面安排得好好！而且我覺得揀迪士尼最好嘅好處係唔需要我自己出去搵production house搞音樂同埋佈置，令我唔洗頭痕，又唔洗浪費時間；如果其他普通嘅酒店，只係provide地方同酒席，我就有排煩！另外，如果搵其他production house 搞迪士尼既theme嘅婚禮，效果可能會有出入，但係迪士尼就一定唔會有呢樣嘢發生，真係十萬個放心！ 最難忘係我哋big day嗰日有個風黎緊，差唔多掛8號風球，橫風橫雨。負責我哋婚禮嘅員工都好著緊，幫我考慮好多細節，亦俾咗個好清楚嘅backup plan我哋，例如將啲房打通晒做休息區及麻雀區。雖然工作多咗，但佢哋都無額外再收我錢。佢哋成對team都夾得好熟，成個行禮及婚宴過程都無乜失誤，而且我覺得成個迪士尼所有工作人員真係都好happy，令成個婚禮個氣氛好好！ 不過，佢哋上菜速度有少少慢，可能因為要分開一碟碟上，去到後面甜品就出唔曬，因為我book咗大巴俾賓客，要趕住開車時間，所以最後就會有少少rush。 都提提各位想喺迪士尼搞婚禮嘅新人，要留返充足既時間同迪士尼傾，因為佢哋好pro，開席行禮之前會有rehearsal，每一個位嘅pic甚至mc都會黎開會，所以要預留多啲時間！

我比較特別，搞咗個outdoor ceremony + indoor lunch，而其實我一開始都唔係即刻決定係迪士尼搞架，但睇到迪士尼既草地真係好靚，而我又想擺草地婚禮，所以還掂想outdoor，不如搞埋個lunch一次過喇！ 我係sleeping beauty ballroom擺咗十幾圍，啲同事既服務態度好好，而當日場地真係好靚！所以其實我都唔洗點搞佈置，個感覺已經好得！迪士尼擺酒同出面最唔同既係有好多迪士尼既野，因為我之前有係出面睇過其他婚宴場地，好多時候出面擺酒係逐樣逐樣加錢，但係係迪士尼擺酒既話呢係我揀咗個theme之後佢就好多野都幫我襯好曬～ 我本身好鍾意迪士尼，然後個日啲background music又係迪士尼！！好fancy！我揀咗Cinderella做主題，啲佈置啊，花啊，臺布同埋個backdrop都係襯返個主題既！然後個backdrop好靚！佢有個arch係個臺上面，好似城堡咁，而啲野食就會有米奇小裝飾係旁邊。我係婚宴當場就太忙食唔到野，係完咗婚宴之後佢地有幫我keep野食，我之後食返都唔錯，親戚都話好食。我啲姐妹都有話我啲同事好幫手，因為其實我啲姐妹都唔係好熟要點做，迪士尼既同事都會提點下幾時要做啲乜嘢，原來我個日係咩都做唔到，好多謝迪士尼同事幫我安排好曬，因為我可能太緊張，有時候會漏咗嘢係新娘房唔記得拎，咁如果要姐妹入去幫我拎，咁我個場又少咗個姐妹幫手，咁都要迪士尼同事幫手～～其實我個朝都book咗迪士尼酒店房，就約咗啲姐妹黎，點知有個姐妹我真係搵極都搵唔到佢，個陣好驚，因為有少少用具係佢度，咁我就即刻聯絡我個event planner June，佢就問我個姐妹有啲咩要幫我準備架，佢就好幫手咁幫我搵酒店print啲我係接新娘時候要比新郎講野既紙，同埋文具，最後雖然成件事延遲咗少少，但係我個event planner好好，一直都話唔洗驚，係on time架～然後我好多親戚都話我個婚宴好好，我家姐都同我姐夫講話睇下啊妹搞得幾好！哈哈～～