香港迪士尼樂園酒店
Hong Kong Disneyland Hotel
4.7
關於香港迪士尼樂園酒店

踏進奇妙繽紛的國度,迎接人生最美麗的一天!迪士尼童話婚禮結合華麗的維多利亞式宴會廳、優雅翠綠的戶外婚宴場地、世界級娛樂表演、得奬廚師團隊精心製作中西佳餚、獨特的個人化配套及一站式貼心婚禮統籌服務,為新人締造銘記一生的甜蜜回憶。


迪士尼童話婚禮為新人一站式統籌華麗高貴的主題婚宴,典雅浪漫的戶外證婚,還有夢幻的攝影服務,每個細節都完美配合您倆的愛情童話。


開始籌劃專屬您倆的迪士尼童話婚禮,讓迪士尼的幸福星粉擦亮您倆的大日子!



中式婚宴
西式婚宴
證婚典禮
場地類型:
室內
戶外
中式婚宴
西式婚宴
證婚典禮
場地類型:
室內
戶外
最新評語
整體滿意度
4.7
過濾評語:
judylkh
5
精選評論
服務 / 婚宴日期: 2018.09.22      
當初搵Disney傾係因為自己好鍾意,而且佢地serve得好好又唔會好pushy,比較過其他酒店之後就揀咗佢地。佢地好多嘢都做得好靚,啲service team又好好~~

當日表現真係要讚,因為我地有好多朋友結婚飲宴都話唔一定好,啲姐姐可能會趕住serve哂啲餸,又可能會無乜笑容而令到啲賓客難受。自己當日都有埋枱食飯…

當初搵Disney傾係因為自己好鍾意,而且佢地serve得好好又唔會好pushy,比較過其他酒店之後就揀咗佢地。佢地好多嘢都做得好靚,啲service team又好好~~

當日表現真係要讚,因為我地有好多朋友結婚飲宴都話唔一定好,啲姐姐可能會趕住serve哂啲餸,又可能會無乜笑容而令到啲賓客難受。自己當日都有埋枱食飯,就覺得迪士尼啲人嘅service真係perfect!同埋聽返啲客人嘅評價都係完全無負評!!

我自己就好鍾意佢Ballroom嘅裝修,而且本身酒店已經有好靚嘅花園草地,又有grand嘅staircase同水晶吊燈,所以都唔洗點樣擺啲咩backdrop已經好靚~~當初揀佢地都係因為佢地嘅裝修就咁已經好靚,係自己鍾意嘅feel。婚宴當晚出場嘅Characters我就搵咗Duffy & ShellieMay~~

食物質素方面都覺得比預期好~因為去到呢啲有theme嘅地方,唔多唔少都預啲食物應該麻麻地~不過去到食完係覺得好食!比我喺其他地方度飲嘅時候仲好食!雖然唔能夠同出面好高級嘅酒店比,但都好令人滿意!嘢食又好精緻~特別係搵佢幫手擺餐前cocktail同candy corner 啲finger food同埋啲dessert 都係會有佢地Disney嘅公仔樣~影相都好靚!!!

當日幫手跟新娘子嘅 assistant 係勁好又勁nice~佢幫我同先生留起啲食物,而且佢地其實都有送一晚Honeymoon Suite俾我地,就話之後送食物上嚟比我地食。去到夜晚其實我同先生又已經唔肚餓,佢地就話可以第二朝早reheat返比我地食。呢啲安排無係條文寫明,但係佢地都會做多咗,感覺上就好好,好滿意!好多人話迪士尼好貴,其實佢地係有Wedding Planner幫你plan好哂 banquet,又全程幫你搞掂好哂,服務一流,慳咗唔少心力,其實都覺得好抵~不過如果細Ballroom個screen再大啲就好喇,雖然已經超乎咗自己嘅expectation!!

酒店
M_AE86_M
5
精選評論
服務 / 婚宴日期: 2018.02.03      
我哋會揀迪士尼嘅最主要原因係我老婆Midco佢由細到大都好鐘意米奇老鼠,佢儲咗好多迪士尼嘅嘢。另外一個原因係我自己好鐘意車,所以想喺我哋嘅婚禮裡面放部車,而香港可以放到車入去嘅酒店真係唔係好多間,我查過得迪士尼、會展,Marco Polo,九展。

至於點解要放架車真係講返少少故事。事源係我同我老婆都好鐘意周杰倫同頭文…

我哋會揀迪士尼嘅最主要原因係我老婆Midco佢由細到大都好鐘意米奇老鼠,佢儲咗好多迪士尼嘅嘢。另外一個原因係我自己好鐘意車,所以想喺我哋嘅婚禮裡面放部車,而香港可以放到車入去嘅酒店真係唔係好多間,我查過得迪士尼、會展,Marco Polo,九展。

至於點解要放架車真係講返少少故事。事源係我同我老婆都好鐘意周杰倫同頭文字D。嗰時我有個朋友機緣巧合下知道我哋兩個都鐘意周杰倫同埋頭文字D,就借機會穿針引線同Midco講到有個男仔朋友有架AE86,我哋就係咁認識咗,一拍即合,所以呢架車對我哋兩個黎講係好有代表性!所以我哋都好想婚禮裡面可以有呢架車。

其實嗰時我哋除咗搵迪士尼,係同會展嗰邊傾咗成半年嘅時間。但會展嗰邊就一路都只係叫我哋睇下場或者係其他嘢,而唔想正面幫我哋處理呢件事。我都明佢係event為主,banquet收入就次要,所以會提高啲要求令我哋難啲fulfill,但係最重要係佢哋表現出嘅感覺係唔會好想幫我哋解決呢個問題,只係想我哋自己放低呢個想法。

相反,迪士尼嘅員工Vicky就好好,俾我個感覺係就算最後唔得都好,都會話俾我聽。我覺得佢好有誠意,又會幫我哋諗吓,例如提議可能放個大cardboard得唔得,非常有心同盡責,感覺上真係盡力幫我去諗,呢樣做得好好。我哋都知頭文字D其實係另一套卡通,唔係好應該放入迪士尼,但係佢哋真係堅持幫你夢想成真嘅信念,所以佢聽完我哋嘅故事之後,就俾我哋放呢架車入去。我哋真係好感恩有Vicky幫手,真係幫助我哋好大好大忙,其實好多嘢如果無咗佢都唔係咁易做到!

婚宴前一晚,大約係12點幾左右,我哋就去睇場同settle架車,因為我要放咗架車入去佢哋先做到佢哋要做嘅嘢,真係要好多大家嘅配合。我見啲同事set場都set得好認真。特別係我老婆同咗Nicole講想喺main table放佢儲咗好多年嘅唔同嘅米奇水晶,啲同事真係好用心咁set到main table好靚,同我哋用嘅cinderella theme好夾,係超過我老婆嘅想像~!佢哋嘅LED大屏幕backdrop我老婆見到嗰時都好surprise,好靚,效果好好。

當晚食物全部都有讚無彈,特別係米奇老鼠嗰個甜品,有啲賓客特登攞住嗰盒嘢黎同我老婆講真係好好食,叫佢都食一件,而且送到上枱都仲好熱!我哋仲為啲了朋友預備咗Kid’s menu,有burger有意粉。個burger好大,啲小朋友好開心,而且因為個burger好大,好多父母都要幫手食,連啲大人食完全部都話想自己另外加多個burger!我諗真係好好食!有客人同我講話覺得啲嘢比起four season仲好食!好多客人都話酒店個空間咁大,無諗過啲嘢上到枱會夠熱又好食。

唯一小問題係賓客feedback返放喺台左手邊嘅3D mapping蛋糕比較大,遮住個Monitor,睇唔到個螢幕裡面發生咩事先。佢哋如果想拍片影想就唔可以坐喺位度,一邊食一邊拍,一定要走出黎先睇到。

我哋覺得所有同事嘅服務都好好。嗰晚婚宴完咗之後,Nicole成12點幾點1點仲喺度,等啲同事幫手拆晒啲嘢,我哋先可以攞走架車。我哋都唔好意思,要佢哋留到咁夜,而且嗰晚間我見佢成晚都無坐過,真係辛苦佢哋!嗰晚又好多片好多歌要播,佢哋都好professional,好多嘢都幫到我哋。個Monitor同backdrop都幾靚,影相出黎質素好好。

成件事我哋覺得最緊要就係佢哋真係實踐咗迪士尼嘅slogan「一個實現夢想嘅地方」!呢樣真係好真,真係實現咗我夢想嘅婚禮,好多朋友黎到見到架車都好驚訝!我哋都知道迪士尼regional有好多guideline要守,但同時佢哋都會俾好多suggestion我哋點樣可以過到,好感受到佢地嘅熱誠!成個wedding俾人感覺得好特別,我哋都知係比佢地平時一般嘅婚宴係複雜咗,但佢哋嘅服務真係好好,好用心。真係好滿意,無乜地方可以挑剔!

酒店
聯絡資料
disneyweddings@hongkongdisneyland.com
更多優質選項
攝影
4.8
婚禮及婚宴場地
4.2
婚禮及婚宴場地
4.5
婚紗禮服
4.4
婚戒鑽飾
0
婚禮食品
0
婚禮及婚宴場地
0
攝影
0
婚禮及婚宴場地
0
場地佈置及花球
0
司儀及表演
0
婚紗禮服
4
婚禮及婚宴場地
0
證婚服務
4
司儀及表演
5
囍帖設計
4
最新優惠
聯絡商戶