香港黃金海岸酒店
Hong Kong Gold Coast Hotel
3.5
中式婚宴
西式婚宴
證婚典禮
中式婚宴
西式婚宴
證婚典禮
最新評語
整體滿意度
3.5
過濾評語:
Chan
2
精選評論
因為我喺遊艇會擺酒,最近最方便嘅酒店就係黃金海岸酒店,可以出門同俾屋企人訓一晚。我喺佢哋酒店出門,原先我齋book咗佢哋普通嘅一間房,之後輾轉問落先知原來出門係一定要book佢哋嘅出門房,價錢就超級貴、唔合理,要收8000蚊一晚,所以我極度唔推薦😐。間房係向海同大嘅,但係我覺得唔值呢個價,佢哋會包啲斟茶工具同包我食少少…

因為我喺遊艇會擺酒,最近最方便嘅酒店就係黃金海岸酒店,可以出門同俾屋企人訓一晚。我喺佢哋酒店出門,原先我齋book咗佢哋普通嘅一間房,之後輾轉問落先知原來出門係一定要book佢哋嘅出門房,價錢就超級貴、唔合理,要收8000蚊一晚,所以我極度唔推薦😐。間房係向海同大嘅,但係我覺得唔值呢個價,佢哋會包啲斟茶工具同包我食少少,但係其他服務係完全無咁濟。譬如話佢哋完全無個人幫手跟頭跟尾;酒店同遊艇會路程十分鐘,係喺隔離嘅,有啲物資要喺酒店送過去,佢哋完全唔肯幫手,亦都唔肯借車仔,呢一度都嘈咗佢好耐。同埋佢哋有兩打西餅送,我就想直接俾遊艇會啲賓客食,但係佢點都唔肯幫我送過去隔離,話係分開嘅,但係我知佢哋係under同一個集團嘅。最嬲嘅係我聽啲friend同姐妹講話出門房係可以4,5點check out,因為知我哋好多嘢搞,但係佢哋堅持要我1點check out,跟住我真係發晒脾氣,嘈咗佢哋好多次😡。初初我係同個細嘅嘈,但係佢話唔到事,所以我就叫佢搵個大嘅嚟同我講,咁大嗰個seems to be同我爭取過,但係頂籠都係去到2,3點,我覺得佢收我咁貴嘅價錢好唔make sense🥴。原本我淨係book出門房,但係佢無俾我延遲退房,所以我焗住要book多間普通房住兩晚,搞掂個婚禮就去普通房,之後第二晚就走。普通房有個氫氣球嘅箱,我就留咗係度之後check out咗,無搞嗰件嘢,佢收尾係打電話嚟話要收我錢,因為佢哋要幫我扔個箱,因為話要特別處理,但係我擺咗個喺遊艇會嗰度佢哋都無收過我錢,搞到我要自己再返去拎。佢哋房間除咗舊啲都ok嘅,就係服務好差。做新娘已經好多嘢搞,但係佢哋重要製造啲煩惱俾我,佢哋出門房收到咁貴就應該有返相應嘅服務,真係好唔抵😤。

婚禮及婚宴場地
Tobychiu
5
精選評論
其實因為之前幫襯嘅一條龍服務公司執咗,我好短時間內先再去搵場地,都算幾快就決定喺黃金海岸度擺。我嗰時本身已經諗住落訂,但佢哋嘅sales Rita (Chan)就問我會唔會等一等,到婚展嗰時先俾,會有婚展優惠價。咁我當然係最緊張會唔會可以hold到個場地先,然後佢真係幫我hold一個星期,等到expo時先再俾錢,所以平…

其實因為之前幫襯嘅一條龍服務公司執咗,我好短時間內先再去搵場地,都算幾快就決定喺黃金海岸度擺。我嗰時本身已經諗住落訂,但佢哋嘅sales Rita (Chan)就問我會唔會等一等,到婚展嗰時先俾,會有婚展優惠價。咁我當然係最緊張會唔會可以hold到個場地先,然後佢真係幫我hold一個星期,等到expo時先再俾錢,所以平咗好多。 Rita佢嘅態度好好,又唔會嫌我煩。因為我好多嘢都問到好details同好足,又要佢black and white email confirm我哋傾啲嘢,佢都OK。而且佢連我啲親戚朋友都搞掂到。好似傾setting同菜式嗰時,啲親戚有唔同意見,佢都會睇睇我咩表情,再向啲親戚講解吓平時啲婚宴係咩方案,好多時都化解到!除此之外,當日佢即時幫我化解咗好多嘢,一陣講到嗰啲位時再舉例。 我結婚嗰日因為落雨,所以就由戶外證婚場地轉去室內證婚。因為我係喺黃金海岸grand ball room擺酒,就變咗喺ballroom出面嘅hall同樓梯嗰度行落去證婚,都幾靚!原本出面啲櫈因為落雨濕晒,佢哋都好快幫我處理好。跟住本身戶外場噴泡泡槍唔使加錢,但因為落雨轉咗室內場就唔可以噴,但佢知我係臨時轉入去,就叫我哋就住嚟噴1,2吓,唔好滑倒人就得,完全唔使我去拗。之後我諗住加錢轉用室內嘅花炮,就因為啲花炮唔合格所以唔放得。於是我就問Rita可唔可以拉咗啲花炮先,然後再直接就咁灑入面啲嘢,佢都話OK,可以幫我安排。 證婚後到晚宴前我哋就order咗啲餐前小食。可能嗰日佢哋太忙,餐前小食預好咗嘅份量食晒都無收走,就變咗個個開蓋發現係無嘢食。或者佢同我哋講聲已經serve晒,問我哋想唔想加或著收起就比較好,唔會咁尷尬。不過後尾婚宴完晒埋尾數嗰時我哋同Rita佢講完,佢都有補償返啲自助餐券俾我哋。佢送返自助餐券嗰時都仲同我講唔好意思。 晚宴嗰時,酒席嗰度我有6-8個人請咗,但又唔記得寫落酒席,於是我即刻問Rita可唔可以幫我喺台隔離開多一枱。佢就將我熟嗰啲朋友搬咗過去新嗰枱度先,再將其他嗰啲放去原本嗰枱度,真係好多謝佢咁快幫我安排好晒! 我覺得其中一定要讚嘅係黃金海岸嗰邊安排嘅保母,佢真係好照顧我。我換衫嗰時佢會stand by,攞定件浴袍喺隔離幫我遮住。然後佢又知新娘成日都無乜嘢到肚,一早就攞定啲朱古力放喺枱度等我食。俾水我飲時又預備定飲筒仲要係暖水嚟,真係好體貼。之後我上落台又會幫我放返好條裙尾,完全唔使提佢,自動自覺幫我睇。連食嘢啲妝有無甩咗都有幫我留意吓,又教我點樣出場同整衫。到夜啲,我俾件衫啲石刮到紅咗,佢一留意到問我做唔使整整佢,又幫我留意有無走光。唔止我,連我老公都好impress!因為我哋其實影相影到夜晚都好攰,佢唔單止照顧我,仲照顧埋我老公。佢同我老公講「唔使咁緊張架,飲杯水,笑吓啦!」、 「好似面油多咗啲喎,攞張紙抺吓啦!」,然後搋埋紙巾俾佢。全部都係喺一啲影相嘅空檔位時幫我哋,唔會阻住影相嘅時間。除咗基本一定會封嘅利是,我自己私底下都封多咗2封利是俾佢! 食物方面,親戚朋友都話質素OK,但refill飲品嗰吓就稍為慢咗少少。連package包嘅回禮朱古力啲親友都話好好食,佢哋之後仲問我有邊度賣無得買。燈光方面,就比較奇怪,因為進場時喺後面照上嚟。不過原來contract有寫,係我哋無留意過。好在影出嚟都OK,我哋都覺得都幾特別嘅。整體嚟講,我覺得黃金海岸酒店啲service都算幾好,會就住我嘅需要幫我去轉,唔會好死板乜都話唔得。特別感謝保母姨姨同Rita,佢哋真係照顧咗我好多同埋當日幫我處理咗好多嘢!

聯絡資料
catering@goldcoasthotel.com.hk
更多優質選項
攝影
4.7
攝影
4
攝影
4.6
攝影
4.1
攝影
4.4
攝影
4.6
攝影
0
攝影
4.6
攝影
4.4
攝影
4.3
攝影
4.8
攝影
4.8
攝影
4.8
攝影
4.1
婚紗禮服
4.2
婚禮及婚宴場地
0
最新優惠
聯絡商戶