其實我係好短時間決定要結婚同籌備，唔係話有好多選擇，同埋我自己都prefer酒店擺，最後都係用咗一個好優惠嘅價錢去訂。當時諗住30圍，好多一係就地方唔夠大，一係就要同人share，一係就有柱，所以Hotel ICON個地方係好好。同埋佢哋真係所有嘢都好好👍🏻👍🏻！完咗wedding，都有俾返feedback佢哋，真係所有嘢都好好！！我哋都唔係D好有準備嘅新人，但係佢哋真係好上心，仲主動跟多過我，非常好！同埋雖然我big day當日其實唔多時間真係坐低喇，但係我都見到有成50幾個人傳菜，因為我哋擺成30幾圍，但係佢地全部...真係每一個都勁好，勁積極。我好深刻係，我偷到少少時間諗住飲啖湯，咁我個位上面有好多嘢食喇，當我準備想搬開D嘢食，跟住我見到有個經理係勁遠嘅位走埋嚟幫我搬開D嘢，勁細心同積極！同埋真係個個都讚，因為我哋係無試菜，純粹之前有屋企人同朋友飲過，都話ok嘅，之後問返D親戚，個個都話味道上係好嘅，同埋全部嘢食都係keep到熱，同埋蟹拑同雞都係脆㗎！其實serve成三十幾圍真係好易會凍咗，但係佢哋完全無呢個問題。同埋佢哋D crew全部都好積極咁幫手，連set up時候，都會主動問可以點幫手咁樣。唯一有個小小問題，就係因我哋都係响 ICON出門，但係房個燈制好敏感，差唔多熄咗10幾次，呢個位係有少少煩，但係banquet嗰度真係完全無問題，非常好，我係超級滿意😍💯！

我係PolyU畢業嘅，加上我擺33、34圍，一黎要搵翻咁大嘅場仲要冇柱選擇唔多，二黎都係因為Poly畢業所以揀Icon。之前我冇去過呢度飲，但我聽翻朋友啲feedback都okay嘅，所以一開始睇場睇左佢，同埋一兩間酒店，但最後都係好快就揀左呢度。負責安排我地睇場嘅同事Emmy真係好好，講解得好清楚，而個ballroom 無柱位有咁靚，我哋都決定俾訂。我就話我哋係 Poly 舊生，問佢會唔會有多啲優惠，佢話都有，不過點都唔夠婚展多㗎喇，Emmy佢叫我哋 hold 住唔好俾訂住，話如果我哋遲啲等婚展俾訂會再優惠啲，再送多啲嘢俾我哋！咁我哋就等到婚展再去探佢，佢又真係再送多啲嘢俾我哋。個package好好，送啲用得著嘅野，所以就覺得佢比其他酒店好。佢以前有舊生優惠嘅，不過唔夠去expo抵。 我真心想讚下Emmy，佢真係好好，跟得好足。佢好到我哋結曬婚，第二日下晝掛八號風球嘅，我哋還曬衫，佢仲問我哋係邊，請我哋係Icon下面個café食龍蝦同牛排，因為佢知道我哋忙到唔得閒食野。佢問我哋肚唔肚餓，叫我哋入去飲啲野食啲野。 Big day當日整體黎講好好。通常係話對新人梗係好啦，但so far問翻身邊啲親戚朋友嗰晚feedback佢哋都讚嘅，好多出面酒店都係炒散，其實佢哋通常用翻自己學生，或者佢哋相熟嘅人，所以冇人bad comment話佢哋serve得唔好，尤其斟酒佢哋係唔吝嗇嘅。 如果佢哋唔加咁多價錢，我哋到時生小朋友擺百日宴都會翻去㗎！